7 years ago
May 21, 2017
एजेन्सी – बायर्न म्युनिखले जर्मन बुन्डेस्लिगा उपाधि पक्का गरेसँगै आधुनिक फुटबल इतिहासकै २ सफल खेलाडीहरुले आफ्नो करियरलाई बिट मार्ने घोषणा गरेका थिए। बायर्नका कप्तान एवं जर्मनीसँग विश्वकप जितेका डिफेन्डर फिलिप लाह्म र स्पेनिस टोलीसंग २०१०मा विश्वकपसँगै इङ्गल्याण्ड र स्पेनमा पनि आफ्नो छाप बसाइसकेका मिडफिल्डर जाबी अलोन्सोले संन्यास लिएका हुन्। शनिबार भएको बुन्डेस्लिगा अन्तर्गत अन्तिम चरणको […]
एजेन्सी – बायर्न म्युनिखले जर्मन बुन्डेस्लिगा उपाधि पक्का गरेसँगै आधुनिक फुटबल इतिहासकै २ सफल खेलाडीहरुले आफ्नो करियरलाई बिट मार्ने घोषणा गरेका थिए। बायर्नका कप्तान एवं जर्मनीसँग विश्वकप जितेका डिफेन्डर फिलिप लाह्म र स्पेनिस टोलीसंग २०१०मा विश्वकपसँगै इङ्गल्याण्ड र स्पेनमा पनि आफ्नो छाप बसाइसकेका मिडफिल्डर जाबी अलोन्सोले संन्यास लिएका हुन्।
शनिबार भएको बुन्डेस्लिगा अन्तर्गत अन्तिम चरणको खेलमा फ्राएबर्गलाई ४-१ले पराजित गर्दै यी दुवै खेलाडीले आफ्नो करियरलाई सुखद बिट मारे। सन् २००२मा डेब्यु गरेका ३३ वर्षीय लाह्मले क्लबका लागि ५१७ खेल खेल्दै आफ्नो नाम बायर्नका दिग्गज खेलाडीहरुको पंक्तिमा राखेका छन्। उनले आफ्नो करियरमा २२ उपाधि जितेका थिए।
यसैगरी ३५ वर्षीय स्पेनिस मिडफिल्डर जाबी अलोन्सोले पनि आफ्नो सफल करियरलाई बायर्नमा खेल्दै बिट मारे। सन् २००५मा लिभरपुलसँग च्याम्पियन्स लिग जितेका अलोन्सोले रियल म्याड्रिडमा रहेर लिग, कप तथा च्याम्पियन्स लिगको उपाधि जितेका थिए। बायर्नमा आएपछि उनले आफुले खेलेको ३ सिजननै लिग उपाधि जितेका छन्। उनले आफ्नो करियरमा कुल १७ उपाधि जिते।
यससँगै बायर्नले आफ्नो गोलरक्षक टम स्टार्कलाई पनि बिदाई गरेको छ। अधिकांश समय दोश्रो गोलरक्षकको भूमिका निभाएका ३६ वर्षीय गोलरक्षकले पनि यसै सिजन संन्यास लिंदै छन्।
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]