स्पेन (एजेन्सी) – मालागालाई उसकै घरेलु मैदानमा २-०ले पराजित गरेसँगै स्पेनिस ला लिगा अन्तर्गत अन्तिम चरणको खेलपश्चात रियलले क्लब इतिहासको ३३औं लिग उपाधि हात पारेको छ।
सन् २०११/१२मा पछिल्लो लिग उपाधि जितेको रियलले त्यसता विभिन्न उपाधिहरु हात पारेपनि लिग भने जित्न सकेको थिएन। यसबीचमा रियलका प्रतिद्वन्द्वी बार्सिलोना र एटलेटिको म्याड्रिड दुवैले लिग उपाधि जितेका थिए।
प्रशिक्षक जिनेदिन जिदानले यस सिजनको ३८खेलमध्ये टोलीलाई २९ खेलमा जित दिलाए भने ३ खेलमा हार व्येहोरे। ६ बराबरी खेलेको रियलले बार्सिलोनालाई ३ अंकले पछि पार्दै लिग उपाधि उचालेको हो। रियलको ९३ अंक छ भने दोश्रो स्थानमा रहेको बार्सिलोनाको ९० अंक रहेको छ। यस सिजन एल क्लासिकोमा रियलले घरेलु मैदानमा ३-२को पराजय भोगेको थियो भने क्याम्प नोउमा भएको खेल १-१को बराबरीमा सकिएको थियो।
