एजेन्सी – इङ्गलिस प्रिमियर लिग अन्तर्गत अन्तिम दुइ खेलमा ह्याट्रिक गर्दै टोटेनहम हट्स्परका स्टार स्ट्राइकर ह्यारी केनले गोल्डेन बुटको उपाधि हात पारेका छन्। लिग अवधिभर २९ गोल गरेका केनले सिजनको केहि समय चोटका कारण गुमाएका थिए।
प्रिमियर लिगका ३८ खेलमध्ये २९ खेलमा सुरुवात गरेका केनले कुल २५३६ मिनेट खेलेका थिए। उनले यस सिजन ४ ह्याट्रिक प्रहार गरेका थिए। उनले अन्तिम दुइ खेलमा प्रिमियर लिगको साविक विजेता लेस्टर सिटिलाई ४ र हाल सिटिलाई ३ गोल प्रहार गरे।
दोश्रो स्थानमा रहेका एभर्टनका रोमेलु लुकाकुले २५ गोल प्रहार गरे भने २४ गोल सहित आर्सनलका एलेक्सिस स्यान्चेज तेश्रो स्थानमा रहे। उपाधि विजेता चेल्सीका फरवार्ड डिएगो कोष्टा र म्यानचेस्टर सिटिका सर्जियो अगुएरो २० गोल सहित चौथो स्थानमा रहेका छन्।
