म्याड्रिड (एजेन्सी) – ब्राजिलको फ्लामेङ्गोबाट रियल म्याड्रिडले १६ वर्षीय भिनिसियस जुनियरलाई अनुबन्ध गर्ने रियले औपचारिक घोषणा गरेको छ ।
१६ वर्षका भिनिसियसलाई जुलाईमा अनुबन्ध गर्ने पक्का गरेपनि केहि समय उनि फ्लामेङ्गोमा नै रहनेछन । २०१९ पछिको जुलाईमा मात्र उनि म्याड्रिडबाट खेल्नेछन् । १८ वर्ष पुगेपछि मात्र उनले रियलको जर्सी लगाएर मैदानमा उत्रनेछन्। तर, रियलले चाहेको खण्डमा उनि त्यो भन्दा चाडै पनि स्पेन आउन सक्नेछन्।
रियलले भिकिकसलाई आबद्ध गर्न करिब ३८ मिलियन पाउण्ड खर्चिएको छ । भिनिसियस नेयमारपछिका सबैभन्दा महँगा ब्राजिलियन लिगबाट ट्रान्सफर हुने युवा खेलाडी पनि बनेका छन् ।
चिलीमा दक्षिण अमेरिकी राष्ट्रियहरुको यु-१७ प्रतियोगितामा ७ गोल गर्दै सबै भन्दा धेरै गोल गरेका भिनिसीसले यसै मे महिनामा फ्लामेङ्गोबाट आफ्नो पहिलो खेल खेलेका थिए ।
