एजेन्सी – अर्को वर्षको च्याम्पियन्स लिगमा आफ्नो स्थान सुरक्षित बनाउन युरोपा लिगको फाइनल खेलमा आज म्यानचेस्टर युनाइटेड र आयाक्स भिड्दैछन्। प्रिमियर लिगमा छैटौं स्थानमा रहेको म्यानचेस्टर क्लबले आफ्नो क्लब इतिहासमा कहिल्यै नजितेको युरोपा लिग पहिलोपटक जित्ने दाउमा छ।
सन् १९९६ पछि पहिलोपटक युरोपियन फाइनल खेल्न लागेको आयाक्सका प्रशिक्षकले आफ्नो युवा टोली युनाइटेडलाई पराजित गर्न सक्षम रहेको बताएका छन्। उनले आफ्नो टोलीको प्रदर्शन राम्रो रहेको र त्यसैअनुरुप फाइनल खेल्न सके म्यानचेस्टर युनाइटेड निराश हुने पक्का रहेको बताए।
म्यानचेस्टर युनाइटेडका लागि डिफेन्डर एरिक बेली सेमिफाइनलमा पाएको रातो कार्डका कारण मैदानमा देखिने छैनन्। चोटका कारण विश्राममा रहेका स्टार फरवार्ड ज्लाटन इब्राहिमोभिचसँगै डिफेन्डर लुक स र मार्कोस रोहो पनि उपलब्ध हुने छैनन्।
खेल नेपाली समयानुसार मध्येरातको १२:३० बजे सुरु हुनेछ।
