स्पेन (एजेन्सी) – रियल म्याड्रिडका सेन्टर फरवार्ड अल्भारो मोराटा आउदो सिजन इटालीको सिरी ‘ए’ मा खेल्न सक्ने सम्भावना छ । रियलको टोलीमा पहिलो रोजाइमा पर्न नसकेपछि मोराटाको माग ट्रान्सफर मार्केटमा बढेको हो।
यो सिजन रियलकालागि २० गोल गरेका मोराटाका लागि मिलानले ६० मिलियन सम्म तिर्न तयार रहेको छ। रियलबाट युभेन्टसमा २० मिलियन युरोमा पुगेका मोराटा इटालीमा सफल २ सिजन पछि ३० मिलियनमा पुनः रियल फर्किएका थिए । स्पेनी समाचार श्रोत मार्साका अनुसार मोराटा मिलानसँग सम्झौतामा पुग्न इटालीको मिलान शहर पुगेका छन् ।
मोराटालाई म्यानचेस्टर युनाइटेडले पनि भित्राउने प्रयास गर्दै छ । डेभिड डे हेयालाई युनाइटेडबाट रियलले किन्दा युनाइटेडले मोराटालाई माग गर्ने योजना बनाउदै छ।
यस सिजन मोराटाले रियलसंगै लिग उपाधि र च्याम्पियन्स लिगको फाइनलसम्मको यात्रा तय गरेपनि व्यक्तिगत रुपमा मैदानमा खेल्ने समय नपाउँदा उनि दुखित छन्। इटालीमा युभेन्टसबातट खेल्दा उनले प्रभावशाली प्रदर्शन गरेकाले पनि इटालीका क्लबले उनलाई भित्र्याउन चाहेका हुन्।
