एजेन्सी – लुइस एन्रिकेले सिजनको अन्त्यसँगै क्लब छाड्ने निर्णय उनको व्यक्तिगत मात्र नभएर उक्त निर्णयमा क्लबको सहमति पनि रहेको थियो। सामान्यतया समर्थकहरुले मैदानमा उनको नाम लिंदा उनि शान्त रहन्थे तर कोपा डेल रे फाइनलमा भने उनले दर्शकदिर्घापट्टि फर्केर समर्थकहरुलाई ताली बजाएर धन्यवाद व्यक्त गरे। तीन वर्षको अन्तरालमा बार्सिलोनाले एन्रिकेलाइ धन्यवाद भन्ने थुप्रै मौका पायो र एन्रिकेले आफुले पाएको त्यो मौकालाइ राम्रो सदुपयोग गरे।

एन्रिकेले बार्सिलोनामा बिताएको तीन वर्षमा खेलेको १३ प्रतियोगितामध्य ९ ओटामा उपाधि जितेका थिए। बार्सिलोनाका लागि पप गुआर्डीओला र योहन क्रायफले मात्र यो रेकर्डलाई सुधार गर्न सकेका थिए। अलाभेससँगको अन्तिम कप फाइनलमा उपाधि जितेसँगै एन्रिकेले बार्सिलोनाबाट सुखद बिदाई पाए।

“मलाई आफुले क्लब छाड्नु परेकोमा दुख लागेको छैन; म एकदम खुसि छु। मा आफैंले मेरो लागि विश्राम लिने उत्तम समय आएको थाहा पाएर क्लब छोड्ने निर्णय लिएको हुँ। यो निर्णय मेरो लागि मात्र नभएर क्लब र खेलाडीको लागि पनि उत्तिकै उत्तम समय हो।”

“म यस क्लबमा प्रवेश गरेको दिन कसैले मलाई ३ वर्षको समयमा यति राम्रो प्रदर्शन हुने बताएको भए सायद मा सोच्न बाध्य हुन्थे। तर मैले क्लबबात १००% सहयोग पाएँ र मैले पनि आफ्नो शत प्रतिशत क्लबको लागि दिएको छु। मलाई लाग्छ मैले कुनै औंला उठाउने ठाउँ छाडेको छैन।”

कोपा डेल रेको उपाधि जितेलगत्तै मैदानको घाँसमा टोलीले उपाधि जितेको खुसियाली मनायो। एन्रिके मैदानमा आफ्नो छोरिसँग हाँसखेल गरेको देखिन्थे। यसपछि केहि ठोस योजना नरहेको बताउने एन्रिके केहि समय परिवारसँग बिताउन चाहने बताउँछन्।