एजेन्सी – आर्सनलका प्रशिक्षक आर्सेन वेंगरले आफ्नो करार सकिएसँगै क्लबसँग नयाँ अनुबन्धन हुने पक्का भएको छ। सोमबार भएको क्लब मालिक स्टान क्रोएन्केसँगको भेटघाट पछि उनको करार थपिने पक्का भएको हो।
वेंगर सन १९९६मा आर्सनलसँग आवद्ध रहँदै आएका वेंगरको करार यसै सिजन सकिएको थियो। उनको प्रशिक्षणकालमा आर्सनल पहिलो पटक शीर्ष ४ बाट यसै सिजन तल झरेको हो। प्रिमियर लिगमा पाँचौ स्थान हासिल गरेपनि आर्सनलले एफए कप जित्दै समर्थकहरुको मन राख्न सफल रहेको थियो।
वेंगरले २ वर्षको नयाँ करारमा हस्ताक्षर गर्ने बुझिएको छ। यससँगै वेंगर २१ वर्षसम्म आर्सनलको प्रशिक्षक रहने भएका छन्। आर्सनलले बुधबार औपचारिक रुपमा यसको घोषणा गर्ने योजना बनाइरहेको छ।
