एजेन्सी – शनिबार राति हुने युरोपेली च्याम्पियन्स लिगको फाइनल खेलमा स्पेनी लिग च्याम्पियन रियल म्याड्रिड र इटालियन लिग र कप विजेता युभेन्टस भिड्दैछन्। जारी प्रतियोगिता युभेन्टस सबैभन्दा कम गोल खाने टोली हो।
फाइनलखेल अघि प्रशिक्षक म्याक्स एलेग्रीलाई टोली छनोटको विषयमा ठुलो निर्णय लिनुपर्ने दबाव छैन। उनको टोलीमा मिडफिल्डर मार्को प्याका एकमात्र घाइते खेलाडी रहेका छन्। वैकल्पिक खेलाडी रहेका मार्कोको अनुपस्थितिले टोलीमा खासै असर पर्ने छैन।
प्रशिक्षक एलेग्रीलाई आफ्नो इच्छा अनुसारको खेल पद्दति छान्ने अवसर रहेको छ। उनले ४-२-३-१ वा ३-४-२-१ मध्य कुनै पद्दति अपनाउनेछन्। जारि प्रतियोगितामा उत्कृष्ट डिफेन्स रहेकाले पनि उनले ३ डिफेन्डरलाई खेलाएर स्यान्ड्रो र आल्भेसलाइ विङ्ब्याकका रुपमा प्रयोग गर्नेछन्।
युभेन्टसको सम्भावित टोली:
जियानलुइजी बुफोन
आन्द्रे बर्जाग्ली – लिओनार्डो बोनुची – जिओर्जियो किएलिनी
ड्यानी आल्भेस – मिरालेम प्यानिच – सामी खेडीरा – एलेक्स स्यान्ड्रो
मारियो मान्जुकिच – पाउलो डीबाला
गोन्जालो हिगुआइन
