म्याच फिक्सिङ आरोपमा पक्राउ परेका राष्ट्रिय फुटबल टोलीका पूर्व कप्तान सागर थापासहित पाँच खेलाडीलाई प्रहरीले आज विशेष अदालतमा उपस्थित गराउदै छ ।
खेलाडीसँगको बयान नसकिएको भन्दै विशेषले पक्राउ परेको दिनदेखि लागु हुने गरि १७ दिन न्यायिक हिरासतमा राख्न आदेश दिएको थियो । १७ दिन शुक्रबार पुरा भएको हो तर शनिबार विदा भएकाले आइतबार मात्र खेलाडीलाई विशेष लान लागिएको हो ।
स्पोर्टस राडार सेक्युरिटी सर्भिस, नेपाल प्रहरी र आफनो संयुक्त पहलमा पाँच खेलाडी फिक्सिङमा संलग्न गरेहेको एसियाली फुटबल महासंघ (एएफसी) ले उनीहरु पक्राउ परेको केही दिनमा सार्वजनिक गरेको थियो । पाँच खेलाडीमाथि अनुसन्धान चलिरहेकाले एएफसी र अलिख नेपाल फुटबल संघले उनीहरुलाई तत्कालका लागि निलम्बन गरिसकेको छ ।
