दिपेश तिमल्सीना
मुम्बई – भारतविरुद्ध मंगलबार साँझ हुने अन्तर्राष्ट्रिय मैत्रीपूर्ण खेलमा नेपाली टोलीको कप्तानी विराज महर्जनले गर्ने भएका छन्। पछिल्लो खेलमा कप्तानी गरेका भरत खवास सुरुवाती एघारमा परेका छैनन् ।
नियमित कप्तान अनिल गुरुङको अनुपस्थितिमा उपकप्तान विराज महर्जनले नेपालको कप्तानी सम्हाल्दै आएका छन्। तर, फिलिपिन्स विरुद्धको खेलमा विराज सुरुवाती एघारमा नपरेपछि भरत खवासले कप्तानको जिम्मेवारी सम्हालेका थिए।
रविन श्रेष्ठ चोटका कारण विश्राममा बसेपछि विराजले भारतविरुद्ध लेफ्ट ब्याकको भूमिका निभाउने भएका हुन्। यससँगै टोलीको कप्तानी पनि विराजले नै गर्नेछन्।
नेपाल र भारतबिचको खेल साँझ ७:१५ बजे मुम्बईस्थित अँधेरी स्पोर्टस कम्पलेक्सको रंगशालामा हुनेछ।
