मेलबर्न (एजेन्सी) – अस्ट्रेलियाको मेलबर्न क्रिकेट मैदान (एमसीजी) मा भएको मैत्रीपुर्ण फुटबल खेलमा अर्जेन्टिनाले ब्राजिललाई १-० ले हराएको छ ।
करिब ९५ हजार भन्दा बढी दर्शकको सामु भएको खेलमा एकमात्र गोल ग्याब्रियल मेर्काडोले गरे। पहिलो हाफको अन्त्य अघि सेभिल्लाका डिफेन्डर मेर्काडोले ओटामेन्डीको हेडर बारमा लागेर फर्किएको अवस्थामा बललाई सहजै गोलमा परिणत गरेका थिए ।
नेयमारको अनुपस्थितीमा रहेको ब्राजिलले खेलमा फर्कन सकेन। स्ट्राइकर ग्याब्रियल जिसस खेल सकिन केहि मिनेट अघि घाइते भएपछि स्ट्रेचरमा बाहिरिएका थिए । उनको चोटको बारेमा थप विवरण आउन बाँकी छ ।
ब्राजिलले आउने मंगलबार यसै मैदानमा अष्ट्रेलियाको राष्ट्रिय टोलीसँग मैत्रीपुर्ण खेल खेल्दै छ।
