एजेन्सी – फिफा विश्वकप २०१८को छनोट चरण अन्तर्गत शुक्रबार भएको समूह ‘बी’ अन्तर्गतको खेलमा पोर्चुगलले लाटभियालाई ३-०ले पराजित गरेको छ।
निकै प्रतिस्पर्धात्मक पहिलो हाफको ४१औं मिनेटमा पोर्चुगलका कप्तान क्रिस्टियानो रोनाल्डोले गोल गर्दै पाहुना टोलीलाई अग्रता दिलाएका थिए। दोश्रो हाफको ६३औं मिनेटमा व्यक्तिगत दोश्रो गोल गर्दै रोनाल्डोले पोर्चुगलको अग्रता दोब्बर पारे। यो उनको जारी विश्वकप छनोटको ११औं गोल थियो।
६७औं मिनेटमा आन्द्रे सिल्भाले गोल गर्दै पोर्चुगलको जित सुनिश्चित पारेका थिए। जितसँगै पोर्चुगलले ३ महत्त्वपूर्ण अंक हात पारेको छ।
हिजै भएको समूह ‘बी’को अन्य खेलमा स्विट्जरल्यान्डले फरो आइल्याण्डलाई २-०ले पराजित गर्यो भने एन्डोर्रा छनोट चरणको पहिलो जित दर्ता गर्ने क्रममा हंगेरीलाई १-०ले हरायो।
समुहको अंक तालिकामा स्विट्जरल्यान्ड ६ खेलमा १८ अंकसहित शत प्रतिशत नतिजा लिएर शीर्ष स्थानमा छ भने दोश्रो स्थानमा १५ अंक बोकेको पोर्चुगल रहेको छ।
