एजेन्सी – फिफा विश्वकप २०१८को छनोट चरण अन्तर्गत शुक्रबार भएको समूह ‘ए’ अन्तर्गतको खेलमा स्विडेनले फ्रान्सलाई २-१ले पराजित गरेको छ।
ओलिभियर गिरुडले ३७औं मिनेटमा हाफ भलीमा उत्कृष्ट गोल गर्दै पाहुना टोली फ्रान्सलाई अग्रता दिलाएका थिए। तर, त्यसको ५ मिनेट नबित्दै जिम्मी डुर्माजले गोल गर्दै खेललाई बराबरमा ल्याएका थिए। खेलको अन्तिम समयसम्म १-१को बराबरी रहेको अवस्थामा टोलीहरुले अंक बाँड्ने अवस्था देखिएको थियो। तर खेलको दोश्रो हाफको इन्ज्युरी समयको दोश्रो मिनेटमा ओला टोइभोनेनले सेन्टर लाइनबाट गोल गर्दै स्विडेनलाई जित दिलाए।
यस जितसँगै अंक तालिकामा स्विडेन र फ्रान्सको समान १३ अंक भएको छ। नेदरल्याण्ड पनि १० अंक जोड्दै तेश्रो स्थानमा रहेको छ। नेदरल्याण्डले हिजो भएको खेलमा लक्जेम्बर्गलाई ५-०ले पराजित गरेको थियो।
फ्रान्स विरुद्ध स्विडेन खेलको भिडियो:
