एजेन्सी – फिफा विश्वकप २०१८को छनोट चरण अन्तर्गत समूह ‘आइ’को खेलमा क्रोएसियाले आइसल्याण्डको घरेलु मैदानमा १-०को हार व्येहोरेको छ। छनोटमा अपराजित रहेको क्रोएसियाको यो पहिलो पराजय हो।
हेडर म्याग्नसनले खेलको ९०औं मिनेटमा गोल गरेपछि आइसल्याण्डले घरेलु मैदानमा जित हात पारेको थियो। जिल्फी सिगर्डसनको कर्नरमा हेडर मार्फत गोल गर्दै म्याग्नसनले टोलीलाई ३ महत्त्वपूर्ण अंक दिलाएका थिए।
कप्तान लुका मोड्रीच, म्याटियो कोभाचिच जस्ता खेलाडीले औसत प्रदर्शन गरेपछि क्रोएसियाले पराजय भोगेको थियो। फरवार्ड मारियो मान्जुकिच र इभान पेरिसिचले मौकाहरुको सदुपयोग गर्न नसक्दा आइसल्याण्ड भाग्यमानी रहेको थियो।
समूहको अन्य खेलमा टर्कीले कोसोभोलाई ४-१ले पराजित गर्यो भने उक्रेनले पनि फिनल्याण्डलाई २-१ले हरायो।
यस जितसँगै आइसल्याण्डको पनि समूहको अंक तालिकामा १३ अंक जोड्दै दोश्रो स्थानमा रहेको छ। उतिनै अंक बोकेको क्रोएसिया राम्रो गोलअन्तरका आधारमा शीर्ष स्थानमा छ।
खेलको भिडियो:
