म्याड्रिड (एजेन्स) – स्पेनको रियल म्याड्रिड छाडेको झन्डै दशक पछि ब्राजिलियन फुटबल हस्ती रोनाल्डो रियल म्याड्रिड लेजेन्ड्सबाट पुनः खेलमा फर्कदा निकै फरक देखिएका छन् ।
२०१७ का रोनाल्डो (बायाँ) र २००४ का रोनाल्डो
व्यवसायिक फुटबल छाडेको ६ वर्ष पछि मैदानमा लेजेन्ड्सहरुको खेलमा देखिएका रोनाल्डोले ३३ मिनेट खेलेका थिए । त्यो खेलमा रियल लेजेन्ड्सले रोमाका पूर्व खेलाडीको टोलीमाथि ४–० को जित हासिल गरेको थियो ।
खेलमा राउल गोन्जालेज, लुइस फिगो , रोबोर्टो कार्लोस र मोरेनटेस खेलजीवनमा जस्तै फिट देखिएपनि रोनाल्डो भने पहिलाको भन्दा निकै भिन्न देखिए । रियल छोडेको दशक पछि रोनाल्डो निकै मोटाएका छन् ।
इङ्ल्यान्डका पूर्व प्रशिक्षक फाबियो कापेलोले प्रशिक्षकको रुपमा रियलमा बिताएको सिजनको बारेमा स्मरण गर्दै रोनाल्डोले तौल घटाउन कत्ति पनि कोसिस नगरेको भन्दै आलोचना गरेका थिए ।
सन् २००६ मा कापेलो रियलको प्रशिक्षक रहँदा रोनाल्डोको तौल ९६ केजी थियो । ब्राजिलबाट २००२ मा विश्व कप जित्दा उनको तौल ८४ केजी थियो । कापेलोले तौल घटाएर ९० केजी सम्म ल्याउन सुझाएपनि रोनाल्डोले सुझाव मानेनन् ।
