फ्रान्स (एजेन्सी) – ह्यारी केनले दुइ गोल गरेपनि १० खेलाडीमा सिमित घरेलु टोली फ्रान्ससँगको मैत्रीपुर्ण खेलमा इङ्ल्याण्ड ३-२ ले पराजित भएको छ ।
इङ्ल्याण्डका लागि ह्यारी केनले रायन बर्टर्यान्डको पासमा पोस्ट नजिकैबाट नवौं मिनेटमा गोल गर्दै अग्रता दिलाएका थिए भने स्यामुएल उम्टिटिले २२औं मिनेटमा गोल गर्दै घरेलु टोलीलाई बराबरी गरेका थिए । फ्रान्सले जिब्रिल सिडिबेको गोलमा ४३औं मिनेटमा अग्रता लियो ।
दोस्रो हाफको सुरुवातमा राफेल भरानले डेले अलिलाई फल गरेपछि उनले रातो कार्डको सामना गरे । त्यहि फलमा पाएको पेनाल्टीलाई सदुपयोग गर्दै केनले पुनः गोल गर्दै इङ्ल्याण्डलाई बराबरीमा ल्याए।
इङ्ल्याण्डले भरानको रातो कार्डको फाइदा उठाउन सकेन । औसमाने डेम्बेलेको ७८औं मिनेटको गोलमा घरेलु मैदानमा १० खेलाडीमा सिमित फ्रान्सले पुनः अग्रता लियो । करिब १५ यार्डबाट गोल गर्दै दिलाएको अग्रतालाई कायमै राखेपछि फ्रान्सले खेल आफ्नो पक्षमा पारेको थियो ।
खेलको भिडियो:
