7 years ago
June 18, 2017
एजेन्सी – फिफा कन्फेडेरेसन कप अन्तर्गत भएको समूह ‘ए’को दोश्रो खेलमा पोर्चुगल र मेक्सिकोले २-२को बराबरी खेलेका छन्। खेलमा २ पटक अग्रता लिएको पोर्चुगलले सम्हालिएर खेल्न नसक्दा अंक बाँड्नु परेको हो।
पहिलो हाफको ३६औं मिनेटमा रिकार्डो करेज्माले गोल गर्दै पोर्चुगललाई खेलमा अग्रता दिलाएका थिए। तर जाभिएर हर्नान्डेजले पहिलो हाफको ३ मिनेट समय बाँकी हुँदा बराबरी गोल फर्काएका थिए। पहिलो हाफमा थप गोल हुन नसकेपछि खेल बराबरीमा रोकियो।
दोश्रो हाफमा पाएको अवसरहरु सदुपयोग गर्न नसक्दा खेल बराबरीतर्फ लम्केको अवस्थामा सेड्रिक सोआरेसले गोल गर्दै पोर्चुगललाई अग्रता दिलाएका थिए। उनले जेल्सन मार्टिन्सको पासलाई सदुपयोग गर्दै गोल गरेका थिए। खेलको दोश्रो हाफको इन्ज्युरी समयमा फ्रिकिकबाट आएको क्रसमा हेडर मार्फत गोल गर्दै हेक्टर मोरेनोले खेल पुन: बराबरीमा ल्याएका थिए।
यसअघि खेलको पहिलो हाफको दौरानमा पोर्चुगलको गोल भिडियो रिप्लेको आधारमा फिर्ता लिइएको थियो। रोनाल्डोको फ्रिकिकमा फर्केर आएको बलमा पेपेले गरेको गोल रेफ्रीले मानेपनि भिडियो एसिस्टेन्ट रेफ्रीले त्यसलाई अफसाइड करार दिएका थिए।
बराबरीसँगै दुवै टोलि १/१ अंक लिएर दोश्रो स्थानमा रहेका छन्। पहिलो खेलमा रसियाले न्युजिल्याण्डलाई २-०ले पराजित गर्दै समुहको शीर्ष स्थानमा रहेको छ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]