एजेन्सी – फिफा कन्फेडेरेसन कप अन्तर्गत समूह ‘ए’को दोश्रो खेलमा पोर्चुगलले रसियालाई १-०ले पराजित गरेको छ।
खेलको पहिलो हाफको नवौं मिनेटमा कप्तान क्रिस्टियानो रोनाल्डोले हेडरमार्फत गोल गर्दै पोर्चुगललाई अग्रता दिलाएका थिए। पहिलो हाफमा थप केहि मौका सिर्जना गरेपनि पोर्चुगलले अग्रता बढाउन सकेन।
दोश्रो हाफमा केहि सुधारिएको प्रदर्शन गरेको रसियाले गोल भने गर्न सकेन। फरवार्ड स्मोलोभले केहि राम्रो अवसरको फाइदा उठाउन नसक्दा रसियाले बराबरी गोल गर्न असफल रह्यो। आयोजक टोली यस हारसँगै समूहको दोश्रो स्थानमा झरेको छ।
यस जितसँगै पोर्चुगल २ खेलमा ४ अंक जोड्दै समूहको शीर्षस्थानमा उक्लिएको छ।
