एजेन्सी – युरो यू२१ च्याम्पियनसिप अन्तर्गत बुधबार राती भएको खेलमा जर्मनीले डेनमार्कलाई ३-०ले पराजित गरेको छ।
निकै प्रतिस्पर्धात्मक खेलको पहिलो हाफ गोलरहित बराबरीमा टुंगिएको थियो। तर दोश्रो हाफको ५३औं मिनेटमा डेविड सेल्केले गोल गर्दै जर्मनीलाई अग्रता दिलाए। त्यसपछि ७३औं मिनेटमा म्याक्स मायरको पासमा केम्प्फले गोल गरेपछि जर्मनीको अग्रता दोब्बर भएको थियो। नदिम अमीरीले ७९औं मिनेटमा टोलीको तेश्रो गोल गर्दै जित पक्का गरेका थिए।
यस नतिजासँगै जर्मनी समूह’सी’ को अंक तालिकामा ६ अंक बोकेर शीर्षस्थानमा रहेको छ। ३/३ अंक लिएर चेक र इटाली दोश्रो स्थानमा रहेका छन्।
