एजेन्सी – प्रिमियर लिग टोली लिभरपुलले इजिप्टका स्टार मोहमद सलाहलाई इटालीयन क्लब एएस रोमाबाट कीर्तिमानी मूल्यमा अनुबन्धन गरेको छ।
चेल्सीबाट केहि वर्षअघि रोमा पुगेका २५ वर्षीय सलाहका लागि लिभरपुलले क्लवको कीर्तिमानी मूल्य खर्चिएको हो। यद्दपी क्लबले स्थानानतरण रकमबारे केहि खुलाएको छैन। इटालियन मिडियाले भने लिभरपुलले ३७ मिलियन पाउण्ड खर्चिएको बताएको छ।
‘इजिप्टका मेस्सी’को उपनामले प्रख्यात सलाह यस अनुबन्धनसँगै अहिलेसम्मकै सबैभन्दा महँगा अफ्रिकी खेलाडी पनि भएका छन्। लिभरपुलले सलाहलाई क्लबमा ल्याउन सन् २०१४ मै चासो देखाएपनि त्यतिबेला चेल्सीले ११ मिलियन पाउण्डमा अनुबन्ध गरेको थियो।
चल्सीमा सिमित मौका पाएपछि फियोरेन्टिना पुगेका सलाह त्यसपछि रोमामा आवद्द भए। १५ मिलियन पाउण्ड तिरेर रोमाले उनलाई ल्याएको थियो। गत सिजन उत्कृष्ट प्रदर्शन गरेका सलाहले रोमालाई लिगमा दोश्रो स्थानमा पुर्याएका थिए।
