पोल्याण्ड (एजेन्सी) – पोल्याण्डमा जारी युरोपेली यू २१ च्याम्पियनसिप अन्तर्गतको समुह चरणको खेलमा स्पेनले सर्बियालाई १-०ले पराजित गरेको छ। लगातार तेस्रो जीत सँगै स्पेन समुह बिजेता हुदै सेमिफाइनल प्रवेश गरेको छ । स्पेनको जीतमा बार्सिलोनाका मिडफिल्डर डेनिस स्वारेजले खेलको निर्णायक गोल गरेका थिए ।
एक खेल अघि नै सेमिफाइनलमा स्थान पक्का गरेको स्पेनले सुरुवात देखि खेल आफ्नो नियन्त्रणमा लिएको थियो। खेलको ३७औं मिनेटमा स्वारेजले गोल गर्दै प्रतियोगिताको दावेदार मानिएको स्पेनलाई अग्रता दिलाएका थिए।
स्पेन जितसँगै समूहको तिन खेलमा विजयी हुदै ९ अंक सहित समुह विजेताको रुपमा सेमिफाइनल प्रवेश गरेको छ।
स्पेनले सेमिफाइनलमा इटाली , चेक रिपब्लिक अथवा स्लोभाकियाको सामना गर्नेछ ।
