अतिरिक्त समयमा सुनिल क्षेत्रीको गोलको मद्दतले भारतले अफगानीस्तानलाई साफ सुजुकी कपको फाइनलमा २-१ले पराजित गरेको छ|
त्रिबेन्द्रमस्थित ग्रिन्फिल्ड स्टेडिएममा भएको फाइनल खेलमा खेलको ७०औं मिनेटमा अमिनिको गोलले अग्रता लिएको थियो| तर सो गोल भएको दुइ मिनेट नबित्दै जेजे लाल्पेख्लुआले गोल गर्दै भारतलाई ७२औ मिनेटमा बराबरीमा ल्याए| खेलमा त्येसपछि गोल भएन र खेल अतिरिक्त समय तर्फा धकेलियो|
अतिरिक्त समयको एघारौं र खेलको १०१औ मिनेटमा कप्तान सुनिलले गोल गर्दै भारतलाई अगाडी बढाएका थिए| सोहि गोल निर्णायक साबित भयो र भारतले उपाधि पक्का पार्यो| खेलको दौरान अफगानिस्तानक प्रशिक्षक पिटर सेगार्ट रेफ्री संग विवादका कारण बक्स बाट बाहिर निष्काशित गरिएका थिए| रेफ्रीले भारतको बक्समा भएको ह्यान्डबल पटक पटक नदेखेको र पेनाल्टी नदिएकोमा उनि आक्रोशित भएका थिए|
यस संगै नेपालका पुर्वप्रशिक्षक समेत रहेका स्टेफेन कन्स्ट्यानटाईन, भारतलाई साफ जिताउने पहिलो विदेशी प्रशिक्षक भएका छन्| यस प्रतियोगिताको सर्वोत्कृष्ट खेलाडी भारतका सुनिल क्षेत्री चुनिए|
