काठमाडौं
नवयुग श्रेष्ठको ‘डेब्यू’ गोलमा नेपालले बंगबन्ध गोल्डकप फुटबल प्रतियोगिताको सेमिफाइनलमा माल्दिभ्सविरुद्ध अग्रता लिएको छ ।
त्रिभुवन आर्मी क्लबका फरवार्ड नवयुगले ३२ औं मिनेटमा गोल गरेका थिए । साफ च्याम्पियनसिपमा नेपालले भारतविरुद्ध १ मात्र गोल गरेको थियो ।
त्यो गोल विमल घर्ती मगरले गरेका थिए । त्यसमा नवयुगको भूमिका थियो । नवयुगको आक्रमण भारतको पोष्टमा लागेर फर्केपछि विमलले गोल गर्ने अवसर पाएका थिए ।
त्यो संगोग माल्दिभ्सविरुद्धको खेलमा दोहोरिएको छ । तर, यसपटक विमलको प्रहार माल्दिभ्सको पोष्टमा लागेर फर्केपछि नवयुगले गोलको अवसर पाएका थिए । नेपालले पहिलो हाफको अग्रतालाई जोगाउन सके बंगबन्धुको फाइनल खेल्नेछ ।
सन् १९९३ मा त्यहि मैदानमा नेपालले छैटौं दक्षिण एसियाली खेलकुद (साफ) को फुटबलमा स्वर्ण पदक जितेको थियो । अर्को संयोग, त्यसबेला स्वर्ण जितेको टोलीमा रहेका बाल गोपाल महर्जन अहिले टोलीको प्रशिक्षक छन । त्यसयता नेपाली सिनियर टोलीले कुनै उपाधि जितेको छैन ।
