माल्दिव्स बिरुद्ध निकै नै उल्लेखनीय प्रदर्शन देखाउदै नेपाल बङ्गबन्धु कपको फाइनल प्रवेश गरेको छ । फाइनलमा नेपालले बहराइन यु -२३ सँग भिड्ने छ ।
निलो जर्शीमा मैदानमा उत्रीएको नेपाल खेलको सुरुवात देखीनै खेलामा हावी रह्यो । फल स्वरुप ३१ औ मिनेटमा बिमलले गरेको प्रहार पोस्टमा लागेर फर्किए पछी रिबाउण्डलाई जाली चुमाउदै नेपाललाई नव्युगले अग्रता दिलाए ।
प्रतियोगितामा कुनै पनि गोल नखाएको नेपाल १-० को अग्रताको साथ आत्म बिश्वासमा उच्च रहदै पहिलो हाल्फको अन्त्य गर्यो ।
त्यस्तै दोस्रो हाल्फ को ५२ मिनेटमा बिशालराइले राष्ट्रियलाई आफ्नो पहिलो गोल गर्दै नेपालको अग्रता दोब्बर गरे । खेलको ६२ औ मिनेटमा बिक्रमले दिएको थ्रु बललाई जालीको टप कर्नर च्याप्दै ३-० को अग्रता दिदै नव्युगले जित लगभग सुनिस्चित बनाए ।
खेलको ६२ मिनेट सम्म ३-० ले पछी परेको माल्दिव्सले हार मनेन र त्यस पछी एक माथी अर्को प्रयास गर्यो , ७६ मिनेटमा नासिद अह्मेदले गोल गर्दै माल्दिव्सलाई खेलमा जिवित राखे ।
माल्दिव्सको दबावमा जवाबी हमला गर्दै खेलको अतिरिक्त समयमा गोल गर्दै नवयुगले आफ्नो ह्याट्रीक पुरा गर्दै नेपालको ४-१को जित पक्का गरे ।
