काठमाडौँ, फागुन २ एपीएफ स्कुल र काब्य स्कुलले सातौं ‘लोयल्टी कप’ फुटबलमा आइतबार विजय सुरुआत गरेका छन् ।
आइतबार मण्डिखाटारस्थित आयोजक लोयल्टी स्कुलको मैदानमा भएको पहिलो खेलमा एपीएफ स्कुलले सिद्धार्थ वनस्थली स्कुललाई १–० गोल अन्तरले पराजित गर्दै विजयी सुरुआत गरेको हो । त्यस्तै काब्य स्कुलले जेम्स स्कुललाई ७–० को फराकिलो अन्तरले पराजित गर्दै विजयी सुरुआत गरेको हो ।
यस्तै अर्को खेलमा टिआइए स्कुलले हिमचुली स्कुललाई ट्राइबेकरमा ३–१ को जित निकाल्यो । निर्धारित समय २–२ गोलको बराबरीमा सकिएपछि खेलको निर्णय ट्राइबेकरबाट गरिएको थियो ।
प्रतियोगिता अन्तर्गत सोमबार रिब्स स्कुलले इपिएस स्कुलसंग प्रतिस्प्रर्धा गर्दा जेभियरले काठमांडौं भ्यालीसँग खेल्नेछ । त्यस्तै अन्तिम खेलमा त्रियोगले आयोजक लोयल्टीको ए टिमसंग खेल्नेछ ।
लोयल्टी स्कुलको आयोजनमा फागुन ८ गतेसम्म चल्ने प्रतियोगितामा आयोजकसहित १८ टोलीको सहभागिता छ ।
