१२औं साग अन्तर्गत फुटबलमा नेपाललाई स्वर्ण पदक दिलाएकाडिफेन्डर अनन्त तामाङ्ग र फरवार्ड अन्जन बिस्ट सिक्किमबाट फर्केका छन्|

साग सकिएलगत्तै भारतको गुहावटिबाटै सिक्किम तर्फ लागेका खेलाडीहरु गान्तोकको सिक्किम हिमालयन स्पोर्टिंग क्लबमा ट्रयालमा खेल्न गएका थिए| तर क्लबसँग सहमति हुन नसकेपछि खेलाडीहरु नेपाल फर्किएका हुन्|

अन्जन र अनन्त साफ यु-१९ विजेता टोली र बंगबंधु गोल्डकप विजेता टोलीमा पनि महत्वपूर्ण भूमिका खेलेका थिए|

विगतमा पनि गणेश खड्का, योगेश गुरुङ जस्ता नेपाली खेलाडीहरु खेलिसकेको क्लब सिक्किम हाल आई-लिग को दोश्रो डिभिजनमा रहेको छ| दुवै खेलाडी अब नेपालमै खेल्ने सम्भावना बढी छ|