काठमाडौं, चैत्र २ मलेसियाको २२ वर्षमुनिको राष्ट्रिय टिमसँगको मैत्री पुर्ण खेलका लागि नेपाली राष्ट्रिय टिमले प्रशिक्षण मंगलबारबाट सुरु गरेको छ । प्रशिक्षण सातदोबाटोस्थित एन्फा कम्प्लेक्समा भइरहेको छ ।
पहिलो दिनको प्रशिक्षणमा ३५ खेलाडी उपस्थित थिए । पहिलो दिनको प्रशिक्षणपछि नेपाली राष्ट्रिय टिमका मुख्य प्रशिक्षक ग्याटुकी कोजीले केही नयाँ खेलाडीहरुलाई टिमा प्रशिक्षणको लागि बोलाएको बताए ।
‘मेरो विचारमा केही राम्रा र प्रतिभावान खेलाडी नेपालमा पनि छन् । उनीहरुले जापानमा गएर पनि खेल्न सक्छन् ।’ प्रशिक्षक कोजीले भने, ‘खेलमा आक्रमण र डिफेन्समा बलियो हुनुपर्छ । राम्रो टिम बनाउन सबैमा ध्यान दिनुपर्छ ।’ उनले अबको मुख्य लक्ष्य भनेको मलेसियाविरुद्धको खेलमै केन्द्रित भएर प्रशिक्षण गर्ने बताए ।
हामीलाई छोटो समयमा राम्रो टिम चाहिएको छ । मलाई विश्वास छ टिमले सकरात्मक नतिजा ल्याउनेछ ।
