6 years ago
November 12, 2018
एजेन्सी – उरुग्वेका फरवार्ड एडिन्सन काभानीले ह्याट्रिक प्रहार गरेपछि फ्रान्सेली लिग वन अन्तर्गत आइतबार पेरिस सेन्ट जर्मेन (पीएसजी) ले एएस मोनाकोलाई ४-० ले पराजित गरेको छ ।
जारी सिजन निकै खराब नतिजा निकालेको मोनाको खेलको चौथो मिनेटमा नै पछाडी परेको थियो । काभानीले पीएसजीको पहिलो आक्रमणलाई नै गोलमा परिणत गर्दै उत्कृष्ट सुरुवात दिलाए । नेयमारको पासमा गोलको खाता खोलेका उनले ११ औं मिनेटमा अर्को सहज गोल गर्दै अग्रता दोब्बर पारे । पहिलो हाफमा २-० को अग्रता लिएको पीएसजीले दोस्रो हाफमा पनि दुई गोल थप्यो ।
काभानीले ५३ औं मिनेटमा गोल गर्दै आफ्नो ह्याट्रिक पुरा गरे । ६४ औं मिनेटमा पीएसजीले पेनाल्टी पायो । युवा फरवार्ड क्लियन एमबाप्पेलाई जिब्रिल सिडिबेले लडाएपछि प्राप्त पेनाल्टीमा नेयमारले कुनै गल्ति गरेनन् । त्यसपछि पीएसजीका लागि जुलियन ड्राक्सलर र एमबाप्पेले गोल गरेपनि रेफ्रीले त्यसलाई मान्यता दिएका थिएनन् ।
च्याम्पियन्स लिगमा क्लब ब्रुजसँग फराकिलो हार बेहोर्दै प्रतियोगिताबाट बाहिरिएको मोनाको लिगको रेलिगेसन क्षेत्रमा रहेको छ । लिग सिजनमा जम्मा एक खेल जितेको मोनाको पुछारबाट दोस्रो स्थानमा छ । यता पीएसजी भने अपराजित यात्रा कायम राख्दै लिगको शीर्षस्थानमा छ । दोस्रो स्थानको लिलभन्दा पीएसजी १३ अंकले अगाडी बढिसकेको छ ।
December 12, 2024
काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल आयोजनाको अनुमतिपत्र […]
December 12, 2024
काठमाडौं (हाम्रो खेलकुद)- नेपाल फुटबल खेलाडी संघको संयोजकमा नेपाली राष्ट्रिय महिला टोलीका स्ट्राइकर अमिशा कार्की र डिफेन्डर गीता राणालाई नगद सहित सम्मानित भएका छन्। सेजल आईटी क्यालिफोर्निया युएसएले अमिशा र गीतालाई समान ७५ हजार रुपैयाँ प्रदान गरि सम्मान गरेको हो। सेजल आइटी क्यालिफोर्निया युएसएका अध्यक्ष शंकर केसीले नगद सहित सम्मान गरे। सो अवसरमा प्रशिक्षकद्वय किशोर […]
December 12, 2024
एजेन्सी – बार्सिलोना च्याम्पियन्स लिग अंक तालिकाको दोस्रो स्थानमा उक्लेको छ। बार्सिलोनाले बुधवार बोरुसिया डर्टमन्डलाई ३-२ ले पराजित गर्दै दोस्रो स्थानमा स्थानमा उक्लेको हो। दोस्रो हाफमा मैदानमा प्रवेश गरेका फेरान टोरेसको निर्णायकसहित २ गोल गरेपछि बार्सिलोना विजयी भएको हो। पहिलो हाफ गोलरहित बराबरीमा टुंगिएको थियो। ५२औं मिनेटमा बार्सिलोनाले कप्तान राफिन्हाको गोलमा अग्रता लियो । डर्टमन्ड […]
