काठमाडौं, चैत १२
काठमाडौं । मलेसियाको यू–२२ टोलीसँगको मैत्रीपूर्ण फुटबल खेलका लागि नेपाली राष्ट्रिय फुटबल टोली शुक्रबार मलेसिया प्रस्थान गरेको छ ।

विराज महर्जनको कप्तानीमा रहेको २३ सदस्यीय खेलाडी ८ सदस्यीय पदाधिकारी मलेसियातर्फ प्रस्थान गरेको हो । नेपाली राष्ट्रिय टोलीले चैत १४ गते आइतबार मलेसियामा यू–२२ टोलीसँगको मैत्रीपूर्ण फुटबल खेल्दैछ । मैत्रीपूर्ण खेलका लागि नेपाली टोलीका जापानीज प्रशिक्षक ग्योटुकी कोजीले २३ सदस्यीय नेपाली टोली घोषणा गरेका थिए । टोलीमा अधिकांश युवा खेलाडी छन् । जुन टोलीले भारतमा सम्पन्न दक्षिण एसियाली खेलकुद सागमा स्वर्ण तथा जितेका त्यसअघि बंगलादेशमा भएको बंगबंधु गोल्डकप जितेको थियो ।
मलेसिया जाने २३ सदस्यीय टोलीमा ५ जना फरवार्ड, ६ मिडफिल्डर, ९ डिफेन्डर र ३ गोलरक्षक छन् । जसमा विदेशमा रहेका र घाइते रहेका ४ खेलाडी छनोटमा परेका छैनन् । टोलीमा बिमल घर्तिमगर रोहित चन्द, अनन्त तामाङ, अञ्जन विष्ट र बिक्रम लामा छैनन् । रोहित चन्द र बिमल घर्ती मगर चोटग्रस्त छन् भने अन्य खेलाडी ट्रायलका लागि बिदेशमा छन् ।

नेपाली टोलीः
गोलरक्षकः किरण चेम्जोङ, विकेश कुथु, विशाल श्रेष्ठ
डिफेन्डरः विराज महर्जन, विजय धिमाल, देबेन्द्र तामाङ, दिनेश राजबंशी, जितेन्द्र कार्की, कमल श्रेष्ठ, मानबहादुर तामाङ, रबिन श्रेष्ठ, रञ्जित धिमाल
मिडफिल्डरः जगजित श्रेष्ठ, विशाल राई, हेमन गुरुङ, प्रकाश बुढाथोकी, सुनिल बल, सुजल श्रेष्ठ
फरवार्डः भरत खवास, नवयुग श्रेष्ठ, सुमन लामा, विश्वास श्रेष्ठ र रन्जन बिष्ट छन् ।
मुख्य प्रशिक्षकः ग्योटुकी कोजी
प्रशिक्षकः राजुकाजी शाक्य
व्यवस्थापकः विराट जंग शाही