थ्री स्टार क्लब एवं राष्ट्रिय टोलीका मिडफिल्डर जगजित श्रेष्ठले थ्री स्टार क्लब छाडेका छन्|
झापा गोल्डकप खेल्नका लागि झापा पुगेको थ्री स्टारले हिजोमात्र सशस्त्र प्रहरी बल विरुद्ध १-०को जित हात पार्दै सेमिफाइनलमा स्थान पक्का गरेको थियो| खेलको दोश्रो हाफको सुरुवातमै शिव श्रेष्ठलाई जगजितको स्थानमा मैदान छिराएपछि उनको प्रशिक्षक र अफिसिअलसंग केहि भनाभन भएको बुझिएको छ|
आजै काठमाडौं आइपुगेका जगजितले सामाजिक संजाल मार्फत आफुले क्लब छाडेको बताएकाछन्| विगतका समयमा पनि यस्तै समस्याबाट गुज्रिएका जगजितको थ्री स्टारको बसाईनै सबै भन्दा लामो हो|
मनाङ्ग, हिमालयन शेर्पा र फ्रेन्ड्स हुदै थ्री स्टार आइपुगेका जगजितले राष्ट्रिय टोलीबाट सुरुवाती भूमिका गुमाईसकेका छन्|
