काठमाडौं– एसियाली फुटबल महासंघ (एएएफसी) ले आउने तीन बर्ष भित्र क्लब लाइसन्स लागु गरिसक्ने उद्देश्यले सदस्य राष्ट्रका क्लबहरुसँग छलफल सुरु गरेको छ ।
एएफसीका प्रतिनिधि योगेश देशाईले मंगलबार नेपाली ए,बी, सी डिभिजन क्लबका अध्यक्ष, महासचिव र प्रतिनिधिसँग क्लब लाइसन्सका बारेमा छलफल गरेका थिए । व्यवसायिक फुटबलको विकासका लागि भन्दै एएफसीले सन् २०१८ सम्म सबै सदस्य राष्ट्रमा क्लबमा लाइसेन्स प्रणाली लागू गर्ने नीति लिएको छ ।
क्लब लाइसेन्सका लागि एएफसीले क्लबको आफ्नै मैदान हुनुपर्ने, युथ टिम हुनुपर्ने, आम्दानीको बाटो प्रष्ट हुनुपर्ने लगायत १७ वटा मापदण्ड तय गरेको छ । खेलाडीसँग सम्झौता , ए लाइसन्स प्राप्त प्रशिक्षक, मार्केटिङ म्यानेजर, आर्थिक योजना लगायतका विषय मापदण्डमा समावेश छन् ।
ए.एफ.सिको च्यम्पिएन्स लिग खेल्ने क्लबहरुले ७३ ओटा मापदण्ड पुरा गर्नु पर्ने प्रावधान रहीआएको अहिले आठ साल बितेको छ, यसैलाई निरन्तरता दिने उदेश्य लिएर ए.एफ.सी कप खेल्न पनि कम्तिमा १७ मापदण्ड पुरा गर्नुपर्ने प्रावधान ए.एफ.सीले ल्याएको हो|
