त्रिभुवन आर्मी क्लब र ससश्त्र प्रहरी बलले आफ्नो खेलमा जित हात पार्दै महिला लिगको सुपर लिगमा स्थान सुरक्षित गरेका छन्|

आज भएको पहिलो खेलमा त्रिभुवन आर्मी क्लबले पश्चिमांचललाई ९-०को अन्तरले हराउँदै सुपर लिगमा स्थान पक्का गर्यो भने दोश्रो खेलमा ससश्त्रले सुदुरपश्चिमलाई १४-०ले पख लगायो|

आर्मीका लागि दिपा अधिकारीले ११औं, ३१औं र ८९औं मिनेटमा गोल गरिन भने शर्मिला थापा मगरले पांच गोल गरिन| उनले १४औं, १६औं, ३५औं, ७७औं र ८०औं मिनेटमा गोल गरिन| आर्मीका लागि अर्को गोल सपना लामाले ७१औं मिनेटमा गरेकी थिईन्|

अर्को खेलमा सशस्त्रले सुदुरलाई १४-०ले पराजित गर्दा तिन खेलाडीले ह्याट्रिक गरे| सावित्रा भण्डारी र सजना राणाले चार गोल गरे भने अनिता बस्नेतले तिन गोल गरिन| अन्य गोलकर्तामा अनु लामा दुइ गोल र मंजु दोंगले एक गोल गरेकी थिइन|