स्पेनिश ला लिगा अन्तर्गत हिजो राति भएका खेलहरुमा सबै ठुला टोलीहरुले विजय हात परेका छन्|
लिग तालिकाको शिर्ष स्थानमा रहेको बार्सिलोनाले देपोर्तिभो ल कोरुनालाई उसकै घरमा ८-० गोलअन्तरले पराजित गर्यो| बार्सिलोनाको सहज जितमा लुइस सुआरेजले चार गोल गरे भने लिओनेल मेसि, मार्क बार्ट्रा, इभान राकितिच र नेयमारले एक-एक गोल गरे| सुआरेजले चार गोल गर्नुका साथै तिन असिस्टपनि प्रदान गरे, जुन ला लिगा इतिहासमा एकै खेलाडी एउटा खेलमा गोलमा सिधा संलग्न मध्यको सर्वाधिक हो|
लिग उपाधि पछ्याउदै गरेका म्याड्रिड टोलीले पनि आ-आफ्नो खेलमा जित हात पारे| फर्नान्डो टोरेसको एक मात्र गोलको मद्दतले एट्लेटिको म्याड्रिडले एथलेटिक बिल्बाओलाई उसकै घरमा १-०ले हरायो भने रियल म्याड्रिडले भिलारियललाई बर्नाबाउमा ३-०ले हरायो| रियलको जितमा करिम बेन्जेमा, लुका भाज्केज र लूका मोड्रीचले गोल गरे|
यी नतिजा संगै लिगको शिर्ष स्थानमा बार्सिलोना ७९अंक लिएर बसेको छ भने एट्लेटिको समान अंक भएतापनि गोल भिन्नताका कारण दोश्रो स्थानमा छ| तेश्रो स्थानमा रहेको रियल म्याड्रिडको ७८ अंक रहेको छ|
