इंग्लिस प्रिमिएर लिग अन्तर्गत बुधवार राति भएको खेलमा सन्डरल्याण्ड विजयी भएपछि प्रिमिएर लिगमा रेलिगेसन हुने टोलीको टुंगो लागेको छ|
एभर्टन विरुद्ध घरेलु मैदानमा ३-०को सहज जित दर्ता गरेपछि सन्डरल्याण्डले अर्को सिजन पनि प्रिमिएर लिग खेल्ने पक्का भएको हो| बिजयी टोलीका लागि प्याट्रिक भ्यान आन्होल्टले फ्रिकिकमा गोल गर्दै अग्रता दिलाएका थिए भने लमिन कोनेले दुइ गोल थपेर टोलीको जित सुनिश्चित परेका थिए|
जितसंगै सन्डरल्याण्ड १८औं स्थानमा रहेको न्युकासल भन्दा चार अंकले अगाडी रहेको छ| हिजै भएको अर्को खेलमा रेलिगेसनबाट बच्न संघर्षरत टोलि नर्विचले पनि जित दर्ता गर्यो| तर अरु खेलको नतिजा अनुकुल नभएपछि उसको पनि रेलिगेशन पक्का भएको छ| अब आगामी सिजन फुटबल लिगमा तिन टोलि एस्टन भिल्ला, नर्विच सिटि र न्युकासल युनाइटेडले खेल्ने छन्|
रेलिगेसनमा परेको तिन टोलीका स्थानमा फुटबल लिगबाट तिन टोलि माथि आउने प्रावधान रहेको छ| फुटबल लिगको विजेता बर्नली र दोश्रो स्थानको मिडल्स्ब्रो माथि चढिसकेका छन् भने अर्को एक टोलीको टुंगो केहि दिनमा लाग्नेछ|
