अखिल नेपाल फुटबल संघले स्वर्गीय ललित कृष्ण श्रेष्ठको स्मृतिमा आयोजना गर्न लागेको ललित स्मृति यु-१८ फुटबल प्रतियोगिताको लागि थ्री स्टार क्लबले खुला छनोटबाट खेलाडी लिने भएको छ|
स्वर्गीय श्रेष्ठ थ्री स्टार क्लबका अध्यक्ष रहीआएका थिए भने एन्फाका कार्यवाहक अध्यक्ष पनि थिए| उनको जेष्ठ २९ गतेका दिन आफ्नै घरमा करेन्ट लागेर मृत्यु भएको थियो| सोहि दिनमा फाइनल हुनेगरि एन्फाले प्रत्यक वर्ष प्रतियोगिता गर्ने भने पनि जेष्ठ २९ गतेदेखि प्रतियोगिता सुरु हुने बताइएको छ|
थ्री स्टार क्लबले आगामी मंगलबार बिहान आठ बजेदेखि ललितपुरको च्यासल मैदानमा खेलाडी छनोट गर्ने बुझिएको छ| छनोट बिहान एक बजेबाट हुने बुझिएको छ| क्लबले मंगलबार, बुधबार र बिहीबार गरेर तिन दिनमा छनोट गर्ने लक्ष्य लिएको छ| उमेर पुग्ने जोकोहीले पनि छनोटमा सहभागी हुन पाइने क्लबले बताएको छ|
प्रतियोगितामा सहभागी हुने खेलाडीको उमेर १८ वर्ष भन्दा कम हुनुपर्ने प्रावधान राखिएको छ| वि.सं. २०५५/०१/०१ देखि २०५७/१२/३० सम्मका खेलाडीले मात्र प्रतियोगितामा भाग लिन पाउनेछन्|
इच्छुक खेलाडीहरुले ९८४९९३३९१६ (उत्सब)लाई सम्पर्क गर्नुहुन आव्हान गरिएको छ|
