भर्खरै सम्पन्न ला लिगा सिजनमा एट्लेटिको म्याड्रिडले तेश्रो स्थानमा लिगको अन्त्य गर्यो तर सो क्रममा उसका गोलकिपर यान् ओब्लाकले नया किर्तिमान रचे|
हालसालै मात्र एट्लेटिको म्याड्रिडमा अनुबन्धित भएका ओब्लाकले यो सिजनमा सबै ३८ लिग खेल खेल्दै १८ गोल मात्र खाए| यसअघि सोहि रेकर्ड १९९३/९४ सिजनमा डेपोर्तिभो ल कोरुनाका गोलरक्षक पाको लियानोको नाममा रहेको थियो| यो सिजन ओब्लाकको प्रदर्शन रियल म्याड्रिडका केलर नाभास र बार्सिलोनाका क्लाउडियो ब्राभो भन्दा पनि उत्तम रह्यो|
३८ खेलमध्य ओब्लाकले २४ खेलमा कुनै गोल खाएनन्| उनले प्रत्येक खेलमा १.६६को औसतमा प्रहर बचाए भने उनले प्रयास गरेको ९५% बल आफ्नै हातमा पारेका थिए| थिबाउ कोर्टुवा चेल्सी लागेपछि बेन्फिकाबाट एट्लेटिको म्याड्रिड आएका ओब्लाकले सिमिओनीको टोलीबाट प्रभावशाली प्रदर्शन गर्दै आएका छन्| उनको उपस्थितिले म्याड्रिडले अहिलेसम्मकै कम गोल खाने टोलि पनि बनेको छ|
उनको लोभलाग्दो प्रदर्शन संगै ओब्लाकलाई रिकर्दो जमोरा ट्रफीबाट सम्मान गरिने भएको छ|
