बिमल घर्ती मगरको बहिनी मनिषा घर्तिमगरको मृत्युको आरोपी उनको प्रेमीले मृत्यु बारे प्रहरी सामु बयान दिएका छन । प्रहरीले घटनाको अनुसन्धानको लागि चौधरीलाई नियन्त्रणमा लिएको हो ।
चौधरीले दिएको बयानअनुसार फेसबुकमा लेखिएको पोष्टको बिषयमा दुईजनाबीच भनाभन भएको थियो । भनाभनको क्रममा मनिषाले आफूलाई एक थप्पड हिर्काएको र आफूले मनिषालाई कुटेको चौधरीले बयानमा भनेका छन् ।
‘एक बोत्तल बियर खाएर गएको थिएँ । फेसबुकमा लेखिएको पोष्टको बिषयमा झगडा पर्यो’, चौधरीले बयानमा भनेका छन्,’म उनको घरबाहिर निदाएँ । राति ११ बजे ब्यूझिएर हेर्न जाँदा कोठामा सलले पासो लगाएर झुण्डिएको अबस्थामा देखें, सलवाट निकाल्दा मृत्यु भइसकेको रैछ ‘
चौधरीले उनको सल घरभन्दा पश्चिमको पेट्रोलपम्प नजिकमा फालेको प्रहरीले जनाएको छ ।
चौधरी राति ११ बजे मनिषाको घरबाट आफ्नो घरमा पुगेको प्रहरीले जनाएको छ ।
