5 years ago
July 13, 2019
काठमाडौं (हाम्रो खेलकुद) – जापानी संस्था एनपीओ रियल वर्ल्डले नेपाली फुटबलको विकासमा निम्नस्तरबाट कदम चाल्ने लक्ष्यसहित सुरु गरेको ‘हिरो टु हिरो’ कार्यक्रममा नेपाली राष्ट्रिय फुटबल टोलीका सदस्यहरु संलग्न भएका छन् ।
‘हिरो टु हिरो’ कार्यक्रमको पहिलो चरणमा राष्ट्रिय टोलीका खेलाडीहरु किरण चेम्जोङ, विकेश कुथु, एलन न्यौपाने, रञ्जित धिमाल, सरोज दाहाल, देवेन्द्र तामाङ, नवयुग श्रेष्ठ लगायत मध्यपुर थिमीस्थित नर्थ पोइन्ट फुटसल पुगेका थिए । उक्त कार्यक्रममा थिमीका झन्डै ३ दर्जन स्थानीय बालबालिकालाई स्थानीय खेलाडी सरोज दाहालले खेल सामग्री हस्तान्तरण गरेका थिए । राष्ट्रिय टोलीबाट केहि साताअघि मात्र डेब्यु गरेका सरोजले लामो समयदेखि नेपालको शीर्ष डिभिजन लिग खेल्दै आएका छन् । उनले मध्यपुर युथ एसोसिएसन शीर्ष डिभिजनमा आउँदा टोलीको कप्तानी पनि गरेका थिए । हाल उनी संकटासँग आबद्ध छन् ।
एनपीओकी रियल वर्ल्डकी अध्यक्ष आया मियोशीका अनुसार ‘हिरो टु हिरो’ कार्यक्रमको मुख्य उद्देश्य कुनैपनि खेलाडीले आफ्नो स्थानीय स्तरमा रहेका युवा खेलाडीलाई आफूजस्तै हिरो बन्न प्रेरित गर्नु हो । स्थानीय खेलाडीमाझ ‘हिरो’ को परिचय बनाएका ति खेलाडीलाई युवा खेलाडीमाझ उतारेर उनीहरुको हौसला बढाउँदा ति युवा खेलाडीले पनि भविष्यमा हिरो बन्ने सपना बुन्न सक्ने उनको बुझाइ छ । यसका लागि एनपीओ रियल वर्ल्डले नै राष्ट्रिय खेलाडीहरुलाई खेल सामाग्री प्रदान गर्नेदेखि विभिन्न कार्यक्रममा संलग्न गराउने उनले जानकारी दिईन ।
आयाले नेपाली खेलाडीहरु आफैं पनि अन्तर्राष्ट्रिय स्तरका खेलाडी जस्तो आर्थिक अवस्थाले सबल नभएका कारण संस्थाले उनीहरुलाई सहयोग गरेको बताइन । ‘ नेपालको शीर्ष स्तरमा खेल्ने खेलाडी पनि सहयोग गर्ने अवस्थामा छैनन् । यसका लागि हामीले राष्ट्रिय खेलाडीहरुलाई पनि सहयोग गर्ने लक्ष्य राखेका छौं । खेलाडीहरु आफैंले पनि सहयोग पाएपछि आफूले समय दिएर अन्य युवा खेलाडीलाई सहयोग गर्न हौसला बढ्छ । हामीले यसैका लागि जे लिगका खेलाडीबाट पाएको सहयोग सिधै राष्ट्रिय खेलाडीलाई हस्तान्तरण गर्नेछौं,’ उनले भनिन् ।
आयालाई नेपालसम्म ल्याउन भने राष्ट्रिय टोलीबाट लामो समय खेलिसकेका फरवार्ड सन्तोष साहुखलको प्रमुख भूमिका छ । झन्डै ५ वर्षअघि जापान पुगेका सन्तोषले त्यहाँ खेल्नेक्रममा उनीसँग सम्पर्क बढाएका थिए । उनले यस संस्थासँग मिलेर यसअघि पनि थुप्रै खेल सामग्री वितरण लगायतका कार्यक्रम गर्दै आएका छन् । यसपटक भने ‘हिरो टु हिरो’ कार्यक्रमका लागि सन्तोषले राष्ट्रिय टोलीका खेलाडीसँग समन्वय गरिरहेका छन् ।
कार्यक्रमको पहिलो दिन थिमीका सरोज दाहालले खेल सामग्री वितरण गरेसँगै औपचारिक सुरुवात भएको छ । यसले आउने दिनमा वृहत रुप लिने संस्थाले जनाएको छ । राष्ट्रिय टोलीका खेलाडीहरुलाई सामाग्री उपलब्ध गराउने र उनीहरुले नै आफ्नो स्थानीय स्तरमा युवा खेलाडीहरुलाई खेल सामग्री वितरण गर्ने छन् । यसले राष्ट्रिय खेलाडीहरुको सँगै युवा खेलाडीहरुको पनि हौसला बढ्ने लक्ष्य संस्थाले राखेको छ ।
May 20, 2024
एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]
May 19, 2024
एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]
May 19, 2024
एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]