मिलान (एजेन्सी)– निर्धारित ९० मिनेटको खेल सकिन १२ मिनेट बाँकी रहँदा याननिक कारस्कोले बराबरी गोल फर्काएपछि च्याम्पियन्स लिग फाइनल थप समय तिर गएको छ । निर्धारित समय १–१ बराबरीमा टुंगिएको छ ।
कप्तान सर्जियो रामोसले नजिकबाट गोल गर्दै रियललाई अग्रता दिलाएका थिए । १५ औं मिनेटमा टोली क्रुसको फ्रिकिकलाई गेराथ बेलले फ्लिक हेड गरेपछि नजिकबाट रामोसले गोल गरेका हुन् । दोस्रो हाफको पहिलो मिनेटमै एट्लेटिकोले बराबरीको मौका गुमाएको थियो । एन्टेनो ग्रिजमनको पेनाल्टी प्रहार क्रसबारमा लागेर फर्केको थियो । पेपेले फर्नान्डो टोरेसलाई फाउल हानेपछि एट्लेटिकोले पेनाल्टी पाएको थियाृ ।
दुई बर्षअघि पनि यी दुई टोलीबीचको खेल थप समयमा गएको थियो । इन्जुरी समयमा रामोसले बराबरी गोल गरेपछि निर्णायका लागि खेल थप समयमा धकेलिएको थियो । जहाँ रियल ४–१ विजयी भएको थियो ।
