4 years ago
January 5, 2020
काठमाडौं (हाम्रो खेलकुद) – नेपाली राष्ट्रिय फुटबल टोलीका पूर्व कप्तान सागर थापाले आफ्नै नाममा ‘सागर थापा स्काई गोल्स फुटसल ट्रेनिङ सेन्टर’ स्थापना गरेका छन् । महाराजगन्जस्थित भाटभटेनीमा रहेको स्काइ गोल्स फुटसलमा नै सागरले ‘सागर थापा स्काई गोल्स फुटसल ट्रेनिङ सेन्टर’ को सुरुवात गरेका हुन् । करिब एक महिना अघिदेखि सञ्चालनमा आएको उक्त ट्रेनिङ सेन्टरमा ५ […]
काठमाडौं (हाम्रो खेलकुद) – नेपाली राष्ट्रिय फुटबल टोलीका पूर्व कप्तान सागर थापाले आफ्नै नाममा ‘सागर थापा स्काई गोल्स फुटसल ट्रेनिङ सेन्टर’ स्थापना गरेका छन् ।
महाराजगन्जस्थित भाटभटेनीमा रहेको स्काइ गोल्स फुटसलमा नै सागरले ‘सागर थापा स्काई गोल्स फुटसल ट्रेनिङ सेन्टर’ को सुरुवात गरेका हुन् । करिब एक महिना अघिदेखि सञ्चालनमा आएको उक्त ट्रेनिङ सेन्टरमा ५ देखि १५ वर्ष उमेर समूहका खेलाडीहरुले प्रशिक्षण गरिरहेका छन् । प्रशिक्षणमा ५ देखि १५ वर्षसम्मका खेलाडीहरुले विगत १ महिनादेखि नियमित प्रशिक्षण गरिरहेको र खेलाडीहरु बढ्दै गइरहेको प्रशिक्षक सागर थापाले जानकारी गराए ।
‘हामीले ग्रासरुटलाई फोकस गर्दै विगत एक महिनाअघिदेखि प्रशिक्षण सुरुवात गरेका हौं । साना बच्चाहरुमा खेलप्रति आकर्षण बढ्दो छ । साताको एक दिन प्रशिक्षण लिँदा पनि उनीहरु निकै उत्साहित छन्,’ प्रशिक्षक सागरले भने, ‘उनीहरुले राम्रो गरिरहेका छन् । उनीहरुको मिहेनत हेर्दा पछि राष्ट्रिय टोलीमा नै स्थान बनाउन सक्ने खालको छ । उनीहरुको इच्छा पनि राष्ट्रिय टोलीबाट खेल्ने सम्मको छ ।’
प्रशिक्षक थापाले ग्रासरुटलाई फोकस गर्दै ट्रेनिङ सेन्टरको स्थापना भएपनि बच्चाहरुलाई ग्याजेट्स (मोवाइल) बाट टाढा राख्ने उद्देश्य रहेको रहेको थपे । ‘पछिल्लो समय बच्चाहरु ग्याजेट्समा झुम्मिएका भेटिन्छन् । यो उनीहरुको लागि राम्रो होइन । नकरात्मक लाइफ स्टाइलबाट टाढा राख्नकै लागि नै ट्रेनिङ सेन्टर स्थापना गरेका हौै,’ सागरले भने, ‘राम्रो भयो भने नेपालकै लागि हुने हो । फुटसलकै माध्यमबाट ग्याजेट्सबाट टाढा रहेर केही गरोस् र राष्ट्रिय खेलाडी उत्पादन होस् भन्ने हाम्रो उद्देश्य हो ।’
प्रशिक्षण हरेक साताको शनिबार चक्रपथ भाटभटेनीस्थित सागर थापा स्काई गोल्ज फुटसलमा बिहान १० देखि १२ बजेसम्म प्रशिक्षण हुने गर्दछ । अन्तर्राष्ट्रिय फुटबलमा प्रतिबन्धपछि सागरले प्रशिक्षण केन्द्रको स्थापना गरेका हुन् । उनले औपचारिक रुपमा फुटबलमा प्रशिक्षकको रुपमा काम गर्न नपाएपनि प्रशिक्षण दिन भने थालेका हुन् । स्काइ गोल्समा सागरसँगै हरि लामा र रमेश सिन्केमानले प्रशिक्षण दिइरहेका छन् । रमेश घलेले को–अर्डिनेटरको रुपमा सहयोग गरिरहेका छन् ।
पछिल्लो समय फुटसलको लोकप्रियता पछिल्लो समय नेपालमा ह्वात्तै बढेको छ । देशभर २ सय भन्दा बढी फुटसल स्थापना भइसकेका छन् । फुटसल ट्रेनिङ सेन्टर पनि खुल्दै र खुल्ने क्रममा रहेका छन् ।
April 23, 2024
हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]
April 23, 2024
एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]
April 23, 2024
एजेन्सी – मिलान डर्वीमा शहरी प्रतिद्धन्द्धी एसी मिलानलाई पराजित गर्दै इन्टर मिलान यस सिजन २०२३–२४ को इटालियन सिरी ‘ए’ को च्याम्पियन बनेको छ । मिलानोमा सोमबार राति भएको खेलमा इन्टरले एसी मिलानलाई २–१ ले पराजित गर्दै २०औं पटक सिरी ‘ए’ को च्याम्पियन बन्न सफल भएको हो । इन्टर यो सिजन पाँच खेल अगावै च्याम्पियन बनेको […]