लमजुङ (हाम्रो खेलकुद) – आयोजक त्रिवेणी युथ क्लब ‘हरियो’ ले २८ औं त्रिवेणी कप खुला राष्ट्रिय फुटबल प्रतियोगिताको उपाधि जितेको छ । काठमाडौंको श्रीभवगी युथ क्लब टोखालाई १–० ले हराउँदै आयोजकको हरियो टोली उपाधि जितेको हो ।

सदरमुकाम बेसिसहरस्थित सहजी खेल मैदानमा विदेशी खेलाडी ग्लोरीले ३५ औं मिनेटमा गरेको गोल नै खेलको निर्णायक बनेको थियो । शनिबार आयोजक त्रिवेणीले समाज कल्याण युवा क्लब नयाँ बजार काठमाडौंलाई पेनाल्टी सुटआउटमा ५–४ ले पराजित गर्दै फाइनल पुगेको थियो ।

त्यस्तै श्री भवगतीले सामना युवा क्लब तुरतुरे तनहूँलाई ३–० ले हराउँदै अन्तिम दुईको यात्रा तय गरेको थियो । त्रिवेणीका पासाङ लामा प्रतियोगिताको सर्वोत्कृष्ट खेलाडी घोषित भए ।

त्यस्तै त्रिवेणीकै आकाश रानाभाट उत्कृष्ट गोलकिपर, श्री भगवतीका अनिल तामाङ उत्कृष्ट रक्षक, सोही क्लबका युवराज ढकाल उत्कृष्ट मिडफिल्डर चुनिए । भोटे ओडारका सन्दीप राना मगर प्रतियोगिताको उच्च गोलकर्ता बने । विजेता आयोजक हरियाले उपाधिसहति ३ लाख रुपैयाँ प्राप्त गर्यो । श्री भगवतीले हुने १ लाख ५० हजार रुपैयाँ प्राप्त गर्नेछ । सेमिफाइनल पुगेका समाज कल्याण र सामनाले समान ५० हजार रुपैयाँ प्राप्त गरे ।

सेमिफाइनल पुग्ने टोलीले समान ५० हजार रुपैयाँ प्राप्त गर्नेछन् । सर्वाधिक गोलकर्ता र सर्वोत्कृष्ट खेलाडीले समान १५ हजार रुपैयाँ प्राप्त गर्नेछन् । त्यस्तै अनुशासित टोलीले१० हजार रुपैयाँ प्राप्त गर्नेछ ।