धनगढी (हाम्रो खेलकुद)- आयोजक सुदूरपश्चिम–११ स्पोर्ट्स क्लबका फरवार्ड विक्रम सिंह ठकुरी मोफसलकै सर्वाधिक धनराशीको नेपाल आइस सुदूरपश्चिम अन्तर्राष्ट्रिय आमन्त्रण खप्तड गोल्डकपको चौथो संस्करणको सर्वात्कृष्ट खेलाडी घोषित भएका छन् ।

प्रतियोगिताभर ५ गोल गरेका विक्रमले आयोजकलाई पहिलोपटक च्याम्पियन बनाउन फाइनलमा थ्री स्टाविरुद्ध निर्णायक गोल गरेका थिए । सर्वोत्कृष्ट खेलाडी घोषित भएसँगै उनले एक थान मोटरसाइकल हात पारेका छन् । उनी प्रतियोगिताका सर्वाधिक गोलकर्ता समेत चुनिए।

आयोजककै धनबहादुर थापा उत्कृष्ट रक्षक चुनिए । रुस्लान थ्री स्टारका पुर्ण चेम्जोङ उत्कृष्ट गोलरक्षक र थ्री स्टारकै सुशिल राई उत्कृष्ट मिडफिल्डर चुनिए । सुदूरपश्चिमका रोहित भण्डारी उत्कृष्ट प्रशिक्षक तथा आयोजककै विष्णु चौधरी उदियमान खेलाडी घोषित भए । व्यक्तिगत विधाका उत्कृष्ट सबैले जनही १५–१५ हजार रुपैया प्राप्त गरे ।

सर्वाेत्कृष्ट खेलाडी

विक्रम सिंह ठकुरी

उत्कृष्ट

गोलरक्षक – पुर्ण चेम्जोङ (थ्री स्टार)

डिफेन्डर – धन बहादुर थापा (सुदूर पश्चिम)

मिडफिल्डर – सुशिल राई (थ्री स्टार)

सर्वाधिक गोलकर्ता – विक्रम सिंह ठकुरी (सुदूर पश्चिम)

प्रशिक्षक – रोहित भण्डारी (सुदूर पश्चिम)

उदियमान खेलाडी – विष्णु चौधरी (सुदूर पश्चिम)