एजेन्सी – स्पेनिस ला लिगाको उपाधिका लागि चिर परिचित प्रतिद्वन्द्वी रियल म्याड्रिड र बार्सिलोनाबीच प्रतिस्पर्धा जारी छ । उपाधि होडसँगै व्यक्तिगत उपाधिका रुपमा रहेको पिचिची ट्रफीमा पनि दुवै टोलीका फरवार्ड करीम बेन्जेमा र लिओनेल मेस्सीबीच प्रतिस्पर्धा चलिरहेको छ ।

लिग उपाधि होडमा रियल म्याड्रिड बार्सिलोनाभन्दा ४ अंकले अगाडी छ । दुई चरणको खेल बाँकी रहँदा रियलले उपाधि जित्ने लगभग पक्का छ । बिहीबार राती रियलले भिल्लारियललाई पराजित गर्दै लिग उपाधि आफ्नो पोल्टामा पक्का पार्ने देखिन्छ । यता बार्सिलोना भने रियलले बाँकी दुई खेलमै अंक गुमाएमात्र उपाधि होडमा फर्कनेछ ।

यता लिगको सर्वाधिक गोलकर्ताले प्राप्त गर्ने पिचिची ट्रफीमा भने बार्सिलोनाका कप्तान मेस्सी अगाडी छन् । उनले २२ गोल गरेका छन् भने दोस्रो स्थानमा रहेका बेन्जेमाको १९ गोल पुगेको छ । लिगका २ खेल बाँकी रहँदा बेन्जेमासँग मेस्सीलाई उछिन्ने झिनो अवसर भने बाँकी नै छ ।

पछिल्लो खेलहरुमा उच्च लयमा रहेका बेन्जेमाले मेस्सीलाई जित्ने अर्को आधार दुई खेलाडीबीच प्रदर्शन भिन्नता पनि हो । लगातार खेलिरहेका मेस्सीले पछिल्लो ३ खेलमा गोल गरेका छैनन् । प्रशिक्षक किके सेटिन आफैं पनि मेस्सीलाई विश्राम आवश्यक रहेको स्वीकार्छन् । यता बेन्जेमा भने आफ्नो गोल गर्ने लयलाई कायम राख्न चाहन्छन् ।

जारि सिजन मेस्सीले पेनाल्टीमार्फत ५ गोल गरेका छन् भने बेन्जेमाले २ गोल मात्र पेनाल्टीमा गरेका छन् । रियल म्याड्रिडमा पहिलो रोजाईमा सर्जियो रामोसले पेनाल्टी हान्ने भएकाले पनि बेन्जेमालाई केहि घाटा हुन पुगेको छ । यदि पेनाल्टी गोल गणना नगर्ने हो भने मेस्सी र बेन्जेमा दुवैको १७-१७ गोल हुन आउँछ ।

सन् २०१४/१५ यता रियल म्याड्रिडका खेलाडीले यस अवार्ड जित्न सकेका छैनन् । बार्सिलोना कप्तान मेस्सी र लुइस सुआरेजमध्य एकले नै यस अवार्डमा दबदबा कायम गरेका छन् । यस सिजन पनि मेस्सीले नै यो उपाधि जित्ने सम्भावना रहेको छ ।

यो पनि पढ्नुहोस :

बार्सिलोनालाई ओसासुनाको चुनौती

रियलको लक्ष्य जितसहित उपाधि

रियललाई आजै च्याम्पियन बन्ने अवसर!