काठमाडौं (हाम्रो खेलकुद) – लेटाङ फुटबल क्लब मोरङ नक्सबारीमा शुक्रबार सुरु भएको माघे संक्रान्ती खुला नकआउट फुटबलको सेमिफाइनल प्रवेश गरेको छ ।

उद्घाटन खेलमा नक्सलबारी फुटबल क्लबलाई ३–० ले हराउँदै लेटाङ अन्तिम चारमा पुगेको हो । विजय भुजेल, भुवन राई र उमेश कार्कीले गोल गरेका थिए । विजयले ४२ औं, भुवनले ४७ औं र उमेशले ६२ औं मिनेटमा गोल गरेका थिए ।

लेटाङका सुमन लिम्बु र सुमन मगरले पहेलो कार्डको सामना गरेका थिए । म्यान अफ म्याच घोषित लेटाङका विजय भुजेलले मेडलसहित २ हजार रुपैयाँ प्राप्त गरे । मोरङ जिल्ला फुटबल संघका अध्यक्ष दिपेन्द्र धिमालले प्रतियोगिताको उद्घाटन गरेका थिए । प्रतियोगितामा मोरङको डागीहाट फुटबल क्लब र सुनसनरीको तालतलैया फुटबल क्लबबीच प्रतिस्पर्धा हुनेछ ।

नेपाल मगर संघ नक्सलबारी मोरङको आयोजना तथा जन ज्योति क्लब र नक्सलबारी एफसीले संयोजन गर्ने प्रतियोगितालाई गोदावरी विद्या मन्दिर स्कुलले प्रायोजन गरेको प्रतियोगितामा उज्यालो प्रदेश डट कम मिडिया पार्टर रहेको छ ।

त्यस्तै चिसाङ क्रसर उद्योग, उत्तरी मोरङ क्रसर उद्योग र मोरङ कन्स्ट्रसन सह प्रायोजक रहेको प्रतियोगिताको सहयोगीका रुपमा बेलबारी नगरपालिका र नक्सल सामुदायिक बन बेलबारी १ रहेका छन् । उद्घाटन खेल नक्सलबारी एफसी र लेटाङ एफसीबीच प्रतिस्पर्धा हुनेछ ।