3 years ago
January 25, 2021
काठमाडौं (हाम्रो खेलकुद)– राष्ट्रिय महिला लिगमा रौतहटको चन्द्रपुर नगरपालिकाले जित हासिल गरेको छ । चौदण्डीगढी नगरपालिकालाई ७–१ ले हराउँदै चन्द्रपुरले लिगमा पहिलो जित दर्ता गराएको हो ।
चन्द्रपुरको जितमा सविता रानामगरले ह्याट्रिक गरिन् भने दिलकुमारी रानामगरले २, रजनी थोकर र सुनिता भोलानले समान १ गोल गरे । चौदण्डीगढीकी अन्जना थुलुङको गोल सान्त्वना बन्यो ।
१–० ले पछि परेको चन्द्रपुरले अन्ततः फराकिलो जित निकालेको थियो । सातदोबाटोस्थित एन्फा कम्प्लेक्समा भएको खेलको २२ औं मिनेटमा अन्जनाले गोल गर्दै चौदण्डीगढीलाई अघि बढाएकी थिइन् ।
४०औं सविताले चेष्टले नियन्त्रणमा लिदै पेनाल्टी बक्सबाहिरबाट गरेको सशक्त प्रहारलाई चौदण्डीगढीकी गोलरक्षक देविका श्रेष्ठले दोस्रो प्रयासमा नियन्त्रणमा लिदा चन्द्रपुर बराबरीबाट चुक्यो । पहिलो हाफ इन्ज्युरी समयको दोस्रो मिनेटमा सविता रानामगरको कर्नरमा दिल कुमारी रानामगरले गोल गर्दै खेललाई १–१ को बराबरीमा पुर्याइन् ।
४७औं रजनीले गोल गर्दै चन्द्रपुरलाई २–१ को अग्रता दिलान् । ५१औं मिनेटमा सविताले गोल गर्दै चन्द्रपुरलाई ३–१ ले अघि बढाईन् । रजनीको प्रहारलाई गोलरक्षक देविका ले बचाएपनि राम्ररी नियन्त्रणमा लिन नसकेको बललाई डिफेन्सबीच तालमेल नमिल्दा सविताले सहजै गोल गरिन् ।
६९औं मिनेटमा सविताले चन्द्रपुरलाई ४–१ को अग्रता दिलाइन् । उनले एकल प्रयासमा गोलरक्षकलाई बिट गर्दै सहजै गोल गरेकी हुन् । ७८औं मिनेटमा सविता गोल गर्दै ह्याट्रिक पूरा गरिन् । मैदानको मध्यभागबाट उनले बल अघि बढाउदै वान भर्सेस वानको अवस्थामा गोल गरिन् ।
८५औं मिनेटमा सविताको पासमा सब्सिच्युट सुनिताले गोल गर्दै चन्द्रपुरलाई ६–१ को अग्रता दिलाइन् । ईन्ज्युरी समयको थप गरिएको दोस्रो मिनेटमा दिलकुमारीले गोल गर्दै चन्द्रपुरलाई ७–१ को फराकिलो जित दिलाइन् ।
May 10, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार भएका खेलमा बागमती युथ क्लब र पुल्चोक स्पोर्ट्स क्लब विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा बागमतीले रानीवन स्पोर्ट्स क्लब विरुद्ध ३-१ को जित दर्ता गर्यो । बागमतीको जितमा दिपेश राईले दुई गोल तथा सृजन राज गौतमले एक गोल गरे […]
May 10, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल अखदुद विरुद्ध ३-२ को जित दर्ता गरेको हो । खेलको सातौं मिनेटमा अली अल हसनको पासमा गोल गर्दै मार्सलो ब्रोजोभिचले अल नासरलाई अग्रता दिलाएका थिए । सो अग्रता १५औं मिनेटमा क्रिस्टियानो रोनाल्डोले अल हसनकै पासमा दोब्बर बनाए […]
May 9, 2024
काठमाडौं (हाम्रो खेलकुद) – एन्फा कम्प्लेक्स, सातदोबाटोमा जारी सहिद स्मारक सो डिभिजन लिगमा बिहीबार सम्पन्न खेलमा समाज कल्याण खेलकुद सेन्टर विजयी भएको छ । समाज कल्याणले गोलबजार स्पोर्ट्स क्लब माथि २-१ को जित दर्ता गरेको हो । समाज कल्याणको जितमा रोशन छेत्रीले दुई गोल गरे । गोलबजारका लागि ओम प्रकाश सिंहले एक गोल गरेका थिए […]