3 years ago
April 4, 2021
सुबास हुमागाईं, काठमाडौं अखिल नेपाल फुटबल संघ (एन्फा) ले कुवेती प्रशिक्षक अब्दुल्लाह अलमुताइरीलाई राष्ट्रिय पुरुष फुटबल टोलीको मुख्य प्रशिक्षकको जिम्मेवारी दिएको छ । आफ्नो प्रशिक्षण करिअरमा पहिलो पटक सिनियर टोलीको प्रशिक्षक सम्हालिरहेका ३९ वर्षीय अलमुताइरीले पहिलो पटक सार्वजनिक रुपमा बोल्दै राष्ट्रिय टोलीमा प्रचुर सम्भावना रहेको अभिव्यक्ति दिए । खेलाडीका रुपमा गोलरक्षक रहेका अलमुताइरीले लामो समय खेल्न […]
सुबास हुमागाईं, काठमाडौं
अखिल नेपाल फुटबल संघ (एन्फा) ले कुवेती प्रशिक्षक अब्दुल्लाह अलमुताइरीलाई राष्ट्रिय पुरुष फुटबल टोलीको मुख्य प्रशिक्षकको जिम्मेवारी दिएको छ । आफ्नो प्रशिक्षण करिअरमा पहिलो पटक सिनियर टोलीको प्रशिक्षक सम्हालिरहेका ३९ वर्षीय अलमुताइरीले पहिलो पटक सार्वजनिक रुपमा बोल्दै राष्ट्रिय टोलीमा प्रचुर सम्भावना रहेको अभिव्यक्ति दिए ।
खेलाडीका रुपमा गोलरक्षक रहेका अलमुताइरीले लामो समय खेल्न सकेनन् । चोट लागेपछि आफ्नो क्लबले उपचार जिम्मेवारी नलिएपछि उनले पुन: मैदान फर्केनन् । त्यसपछि विहबारी गरेर मैदानबाहिर नै रहेका उनले सन् २०११ मा प्रशिक्षण करीअर सुरु गरे ।
त्यसो त उनलाई बाल्यकालमै मुटुको समस्याका कारण धेरै खेल्न नसक्ने डाक्टरले बताएका थिए । तर उनले खेल्न छाडेनन् । उनको अनुसार त्यसो भन्ने डाक्टरको नै उनीभन्दा अगाडी स्वर्गवास भयो । उनले आफू फुटबलका लागि कटिवद्ध भएर लाग्ने संकेत दिन यसो भनिरहेको आँकलन गर्न सकिन्छ ।
खेलाडी करिअर सकिएपछि प्रशिक्षणमा लागेका उनले विभिन्न क्लब र उमेर समूहको टोली हेरेका छन् । आफ्नो प्रशिक्षण लाइसेन्ससँगै टोलीमा जिम्मेवारी समेत सम्हाल्दै आएका उनले १४ महिनाको अन्तरमा आफ्नो ए लाइसेन्स, प्रो लाइसेन्स र इन्स्ट्रक्टर कोर्ष पूरा गरेका हुन् । उनका अनुसार यो अवधिमा यी सबै कोर्ष गर्नु निकै दुर्लभ उपलब्धि हो ।
एएफसीका कोचिङ इन्स्ट्रक्टर समेत रहेका अलमुताइरीले यसअघि राष्ट्रिय टोलीको जिम्मेवारी सम्हालेका छैनन् । सन् २०११ मा प्रशिक्षण सुरु गरेपछि उनले कुवेतकै क्लबतर्फ युवा टोली हेरे । त्यसपछि साउदी अरेबियाका क्लब पुगेका उनले केहि वर्षपछि किर्गिस्तानको यू-१६ टोली सम्हाल्दै देशको इतिहासकै दोस्रो सर्वोत्कृष्ट नतिजा निकालेका थिए । त्यसयता उनी क्लब फुटबलमा नै व्यस्त रहँदै आएका छन् ।
अलमुताइरीले पछिल्लोपटक अल सहानीया फुटबल क्लबको जिम्मेवारी सम्हालेका थिए । त्यहाँ उनले टोलीलाई अन्तिम ९ खेलमा प्रशिक्षण दिँदै आठौं स्थानबाट चौथो स्थानसम्म पुर्याए । उनले जिम्मेवारी लिएको ९ खेलमा ४ जित, ४ बराबर र १ हार बेहोरेको जानकारी दिए ।
अल मुताइरीसँग सिनियर राष्ट्रिय टोलीको जिम्मेवारी लिएको अनुभव त छैन तर उनले आफ्नो तयारीका बारेमा बताइरहँदा भने सफल हुने छनक भने देखाएका छन् । नेपाली राष्ट्रिय फुटबल टोलीको जिम्मेवारी पाउनुअघि नै उनले राष्ट्रिय टोली, यू-२३ तथा यू-१९ टोलीले खेलेका पछिल्ला ३ वर्षका खेल हेर्दै हरेक खेलाडीको बारेमा रिपोर्ट तयार पारेको जानकारी दिए । उनले यसक्रममा सहभागी ५१ खेलाडीबारे आफूसँग विस्तृत जानकारी भएको पनि बताए ।
प्रशिक्षक अलमुताइरीले नेपाली खेलाडी क्षमतावान भएकाले अहिलेको भन्दा अझ राम्रो नतिजा दिन सक्ने रहेको बताए । उनले थ्री नेसन्स कपको प्रदर्शनलाई मात्र नभएर त्यसअघि खेलेका खेललाई पनि आधार मानेर आफ्नो प्रतिक्रिया दिएको प्रष्ट थियो । राष्ट्रिय टोलीको जिम्मेवारी पाएका उनले सम्भव भएसम्म राष्ट्रिय खेलाडीले खेल्ने प्रतियोगिता, क्लबको प्रशिक्षण लगायतमा अवलोकन गर्ने प्रतिवद्धता व्यक्त गरे ।
अल मुताइरीले आफ्नो योजना र लक्ष्यबारे बोलिरहँदा खेलाडीहरुको प्रदर्शन र नेपाली दर्शकको फुटबलप्रतिको क्रेजलाई केन्द्रविन्दुमा राखिरहे । सेप्टेम्बरमा हुने सम्भावित एसियन कप छनोटको विषयमा बोल्दा समेत उनले घरेलु मैदानमा खेल हुँदाको फाइदा औंल्याए । थ्री नेसन्स कपका दौरान टोलीले सोचेभन्दा कमजोर प्रदर्शन गरेपनि दर्शकहरुले दिएको मायाले उनलाई प्रभावित पारेको थियो । उनले समर्थक योभन्दा धेरै खुसीको हकदार रहेको बताए ।
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]