काठमाडौं (हाम्रो खेलकुद ) – आयोजक कुमारी फुटसलको प्रथम कुमारी महिला फुटसल प्रतियोगिताको उपाधि जितेको छ । पक्नाजोलस्थित कुमारी फुटसलमा शनिबार भएको प्रतियोगिताको फाइनलमा आयोजक कुमारी फुटसलले लेडी लायन्सलाई ३–२ को सेटमा पराजित गर्दै उपाधि जित्न सफल भएको हो ।

कुमारीको जितमा मनिषा थापामगरले दुई तथा प्रिति राईले एक गोल गरिन् । लेडी लायन्सका बिमला चौधरी र इन्दिरा राईले गोल गरिन् । कुमारीले २–० को अग्रता उल्ट्याएको हो । वल्र्डवाइडले गोल्डेन्स गल्र्सलाई २–१ को अन्तरमा पराजित गर्दै तेस्रो स्थान हात पार्यो ।

उपाधिसहित कुमारीले ५० हजार, शिल्ड र मेडल प्राप्त ग¥यो । दोस्रो भएको लेडी लायन्सले २० हजारमा चित्त बुझायो । लेडी लायन्सका इन्दिरा राई प्रतियोगिताको सर्वाेत्कृष्ट खेलाडी घोषित भईन् । उनले दि लाष्ट रिसोर्टबाट गिफ्ट ह्याम्पर प्राप्त गरिन् । प्रतियेगिताभर कुल ११ गोल गरेका कुमारीका मनिषा थापामगर सर्वाधिक गोलकर्ता भईन् । उनले प्रतियोगिता र कुमारी फुटसलकै सुस्मिता सिंह ठकुरी उत्कृष्ट गोलरक्षक घोषित भईन् ।

विजयी खेलाडीहरुलाई नेपाल फुटसल व्यवसायी संघका अध्यक्ष राज महर्जन र कुमारी फुटसलका सञ्चालक तथा फुटसल व्यवसायी संघका सचिव राजनलाल महर्जनले पुरस्कृत गरे ।
एकदिने प्रतियोगितामा विभिन्न १६ टिमले लिगकम नकआउटका आधारमा प्रतिस्पर्धा गरेका थिए ।