5 years ago
March 3, 2019
काठमाडौं (हाम्रो खेलकुद) – युथ लेजेन्ड नेपालद्वारा आयोजित पहिलो युथ लेजेन्ड कप : पुरुष कर्पोरेट फुटसलको उपाधि नेको इन्सुरेन्स लिमिटेडले जितेको छ । शनिबार भोटेबहाल फुटसलमा आयोजित प्रतियोगिताको फाइनल खेलमा नेकोले क्लाउडफेक्ट्रीलाई सडेन डेथमा हराउन सफल भएको हो । नियमित समय १-१ को बराबरीमा सकिएपछि थप गरिएको अतिरिक्त समयमा दुवै टोलीले गोल गर्न असफल रहे […]
काठमाडौं (हाम्रो खेलकुद) – युथ लेजेन्ड नेपालद्वारा आयोजित पहिलो युथ लेजेन्ड कप : पुरुष कर्पोरेट फुटसलको उपाधि नेको इन्सुरेन्स लिमिटेडले जितेको छ ।
शनिबार भोटेबहाल फुटसलमा आयोजित प्रतियोगिताको फाइनल खेलमा नेकोले क्लाउडफेक्ट्रीलाई सडेन डेथमा हराउन सफल भएको हो । नियमित समय १-१ को बराबरीमा सकिएपछि थप गरिएको अतिरिक्त समयमा दुवै टोलीले गोल गर्न असफल रहे ।
नेकोले सेमिफाइनलमा नक्सालाई ६-१ को अन्तरले हराउंदै फाइनलमा आफ्नो स्थान सुरक्षित गरेको थियो । त्यस्तै उपविजेता क्लाउडफेक्ट्रीले एनसीसी बैंकलाई ४-१ को अन्तरले पराजित गरेको थियो ।
विजेता टोलीका क्षितिज सुवेदी सर्वाधिक गोलकर्ता रहन सफल भए भने प्रतियोगिताको उत्कृष्ट खेलाडी क्लाउडफेक्ट्रीका पुरुशोत्तम तुलाधर चुनिए ।
प्रतियोगितामा कुल १२ टोलीको सहभागिता रहेको थियो । लिग-कम नकआउट प्रतियोगितामा टोलीहरुलाई ४ समूहमा विभाजन गरिएको थियो ।
आयोजक युथ लेजेन्ड नेपाल विगत करिब पांच वर्षदेखि युवा सशक्तिकरणको क्षेत्रमा कार्यरत संस्था हो ।
April 5, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ । एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर […]
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]