5 years ago
March 28, 2019
काठमाडौं (हाम्रो खेलकुद) – प्रेस युनियन र प्रेस संगठन नेपाल पत्रकार महासंघको ६४औं स्थापना दिवसको अवसरमा आयोजित मिडिया कप फुटसल प्रतियोगिताको फाइनलमा प्रवेश गरेका छन् । शान्तिनगरस्थित शान्तिनगर फुटसलमा बिहीबार भएको सेमिफाइनलमा प्रेस युनियनले उपाधिको दावेदारको रुपमा हेरिएको नेपाल टेलिभिजनलाई तथा प्र्रेस संगठनले इमेज च्यानललाई पराजित गर्दै उपाधिनजिक पुगेका हुन् । फाइनल शुक्रबार हुने महासंघका […]
काठमाडौं (हाम्रो खेलकुद) – प्रेस युनियन र प्रेस संगठन नेपाल पत्रकार महासंघको ६४औं स्थापना दिवसको अवसरमा आयोजित मिडिया कप फुटसल प्रतियोगिताको फाइनलमा प्रवेश गरेका छन् ।
शान्तिनगरस्थित शान्तिनगर फुटसलमा बिहीबार भएको सेमिफाइनलमा प्रेस युनियनले उपाधिको दावेदारको रुपमा हेरिएको नेपाल टेलिभिजनलाई तथा प्र्रेस संगठनले इमेज च्यानललाई पराजित गर्दै उपाधिनजिक पुगेका हुन् । फाइनल शुक्रबार हुने महासंघका सचिव एवम् फुटसल प्रतियोगिताका संयोजक प्रकाश थापाले जानकारी दिए ।
निकै नै प्रतिस्पर्धात्मक बनेको खेलमा प्रेस युनियनले नेपाल टेलिभिजनमाथि ३–२ को संघर्षपुर्ण जित निकाल्यो । प्रेस संगठनको जितमा निशान राई, सविन राई र सविन श्रेष्ठले गोल गरे । नेपाल टेलिभिजनका प्रज्वल शाक्य र राजेश थापामगरले गोल गरे ।
यस्तै दोस्रो सेमिफाइनलमा प्रेस संगठनले इमेज टेलिभिजनलाई १०–३ को फराकिलो अन्तरले पराजत गर्दै फाइनलमा पुग्न सफल भयो । संगठनको जितमा दिपेन्द्र गुरुङ एक्लैले ८ गोल गरे । नवीन गुरुङ र प्रमिस खवासले समान १–१ गोल थपे । इमेजका भेषराज पौडेलले ३ गोल गरे ।
यस्तै इमेज टेलिभिजनले नेपाल टेलिभिजनलाई सडन डेथमा ९–८ ले पराजित गर्दै तेस्रो स्थान हासिल गरेको छ । निर्धारित ३० मिनेटको खेल ४–४ गोलको बराबरीमा सकिएपछि खेलको निर्णय पेनाल्टी सुटआउटबाट लिइदा इमजेले बाजी मारेको हो । सुरुवाती तीन पेनाल्टी बराबरी, त्यसपछिको तीन पेनाल्टी पनि बराबरी र त्यसपछिको १–१ पेनाल्टी पनि बराबरीभएपछि अन्तिम २ पेनाल्टीमा इमेजले २–१ को जित निकाल्यो ।
मिडिया कप फुटसल प्रतियोगिता नेपाल पत्रकार महासंघका अध्यक्ष गोविन्द आचार्य र राष्ट्रिय खेलकुद परिषदका उपाध्यक्ष पिताम्बर तिम्सिनाले संयुक्त रुपमा उद्घाटन गरेका थिए । मिडिया कपमा सञ्चार क्षेत्रसँग सम्बन्धित ११ टोलीले प्रतिस्पर्धा गरेका थिए । प्रतियोगितामा नेपाल पत्रकार महासंघ केन्द्रीय समिति (ए), नेपाल पत्रकार महासंघ केन्द्रीय समिति (बी), सूचना विभाग, प्रेस काउन्सिल नेपाल, नेपाल पत्रकार महासंघ काठमाडौं शाखा (ए), नेपाल पत्रकार महासंघ काठमाडौं शाखा (बी), इमेज च्यानल, नेपाल टेलिभिजन, नेपाल प्रेस युनियन, प्रेस संगठन नेपाल र नेपाल पत्रकार मञ्चले भाग लिएका थिए ।
प्रतियोगिताको विजेताले १० हजार रूपैयासहित ट्रफी पाउनेछ । दोस्रोले ७ हजार तथा तेस्रो हुनेले ५ हजार रूपैया हात पार्नेछन् । यस्तै प्रतियोगिताको सर्वाधिक गोलकर्ता र उत्कृष्ट खेलाडीलाई ट्रफीसहित पुरस्कृत गरिने महासंघका महासचिव तथा प्रतियोगिता संयोजक प्रकाश थापाले जानकारी गराए ।
April 5, 2024
काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ । एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर […]
February 27, 2024
काठमाडौं (हाम्रो खेलकुद) – एआइटिएम कलेजको आयोजनामा आइटी फुटसल कप २०२४ को आयोजना हुने भएको छ । ब्याचलर पढ्ने विद्यार्थीहरुलाई लक्षित गर्दै चैत ४ गते प्रतियोगिता हुने भएको हो । विजेताले ५० हजार र उपविजेताले २५ हजार प्राप्त गर्ने प्रतियोगिताको टाइसिट १ चैत्रमा सार्वजनिक हुनेछ । प्रतियोगिताका लागि ३० फाल्गुनसम्म दर्ता मिति रहेको छ । […]
January 22, 2024
काठमाडौं (हाम्रो खेलकुद) – दोस्रो संस्करणको भद्रकाली खुल्ला फाइभ ‘ए’ साइड फुटसल प्रतियोगिता फागुन तेस्रो साता हुने भएको छ । भद्रकाली युवा क्लबको आयोजनामा प्रतियोगिता आउदो फागुन १८ र १९ गते रानीपौवा स्पाेर्ट्स सेन्टर पाेखरामा हुने आयोजकले जनाएको छ । प्रतियोगितामा सहभागिताको लागि फागुन १७ सम्म समयसीमा तोकिएको छ । दर्ता शुल्क ४ हजार रुपैयाँ […]
